Qazaqstanda qoqys qaldyqtarynyń nebary 15 paıyzy qaıta óńdeledi
ASTANA. KAZINFORM — Ekologııa máseleleri jáne tabıǵat paıdalaný komıtetiniń depýtattary Astana mańyndaǵy Qoqys qaldyqtaryn qaıta óńdeý keshenine bardy.
Elimizde qoqystar men turmystyq qaldyqtar, qoqys polıgondarynan shyǵatyn jaǵymsyz ıis pen bólinetin ýly gaz máselesi áli kúnge deıin ózekti bolyp otyr.
Bul másele búginde Májilis depýtattarynyń nazarynda. Depýtattar Astana mańyndaǵy Qoqys qaldyqtaryn qaıta óńdeý keshenine baryp, ondaǵy jaǵdaıdy óz kózderimen kórip qaıtty.
«Elimizde qoqys qaldyqtarynyń nebary 15 paıyzǵa qaıta óńdelip, qalǵany polıgonǵa jiberiledi» — delingen habarlamada.
