Qazaqstanda qoǵamdyq tártip kúsheıtiledi
NUR-SULTAN. QazAqparat – Qazaqstanda qoǵamdyq tártip kúsheıtiledi. Bul shara týraly Prezıdenttiń tótenshe jaǵdaıdyń jarııalanatyny týraly Jarlyǵynda jazylǵan, dep habarlaıdy QazAqparat tilshisi.
«Qoǵamdyq tártiptiń saqtalýy boıynsha asa mańyzdy memlekettik jáne strategııalyq, erekshe rejımdik, rejımdik jáne erekshe qorǵalatyn obektilerdiń, sondaı-aq halyqtyń tynys-tirshiligin jáne kólik qyzmetiniń jumys isteýin qamtamasyz etetin obektilerdiń kúzetilýi kúsheıtilsin», - delingen Prezıdenttiń Jarlyǵynda.
Eske sala ketsek búgin saǵat 13.00-de «Habar 24» arnasynda onlaın rejimde Densaýlyq saqtaý mınıstri Eljan Birtanov Qazaqstanda koronavırýs ınfektsııasyn juqtyrǵandardyń sany 8-ge jetkenin habarlaǵan edi.
Aıta ketsek búgin Qazaqstan Respýblıkasynda tótenshe jaǵdaı engizildi. Bul týraly Jarlyqqa QR Prezıdenti qol qoıdy.
Jarlyqqa sáıkes oıyn-saýyq ortalyqtarynyń, kınoteatrlar men teatrlardyń jumysy toqtatylyp, Qazaqstan Respýblıkasyna keletin halyqaralyq uıymdar delegatsııalarynyń múshelerin qospaǵanda el aýmaǵyna kóliktiń barlyq túrlerimen kirýge, sondaı-aq onyń aýmaǵynan shyǵýǵa shekteýler belgilendi.
