Qazaqstanda qoǵamdyq mańyzy bar ádebıetti basyp shyǵarý qaǵıdalary bekitildi
Qazaqstan Respýblıkasy Mádenıet jáne sport mınıstrliginiń buıryǵy №373
2015 jylǵy 7 jeltoqsan , Astana qalasy
Qoǵamdyq mańyzy bar ádebıetti basyp shyǵarý qaǵıdalaryn bekitý týraly
«Mádenıet týraly» 2006 jylǵy 15 jeltoqsandaǵy Qazaqstan Respýblıkasynyń Zańynyń 7-baby 9-2) tarmaqshasyna sáıkes, buıyramyn:
1. Qosa berilip otyrǵan Qoǵamdyq mańyzy bar ádebıetti basyp shyǵarý qaǵıdalary bekitilsin.
2. Mádenıet jáne sport mınıstrliginiń Ákimshilik departamenti Qazaqstan Respýblıkasynyń zańnamasynda belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp, Qazaqstan Respýblıkasy normatıvti quqyqtyq aktileriniń etalondy baqylaý bankine engizý úshin eltańbaly mórmen kýálandyrylǵan qaǵaz danasyn qosa bere otyryp osy buıryqqa qol qoıýǵa ýákiletti tulǵanyń elektrondyq tsıfrlyq qoltańbasymen kýálandyrylǵan elektrondyq túrdegi osy buıryqtyń kóshirmelerin joldaýdy;
3) osy buıryqty resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrylýyn;
4) osy tarmaqpen kózdelgen is-sharalardyń oryndalýy týraly málimetterdi is-sharalardy oryndaǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıtse-mınıstrine júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýy tıis.
Mınıstr A.MUHAMEDIULY
Qazaqstan Respýblıkasy Mádenıet jáne sport mınıstriniń 2015 jylǵy 7 jeltoqsandaǵy №373 buıryǵymen bekitilgen
Qoǵamdyq mańyzy bar ádebıetti basyp shyǵarý qaǵıdalary
1. Jalpy erejeler
1. Osy Qoǵamdyq mańyzy bar ádebıetti basyp shyǵarý qaǵıdalary (budan ári - Qaǵıdalar) qoǵamdyq mańyzy bar ádebıetti basyp shyǵarý men taratýdy qamtamasyz etý boıynsha sharalardy iske asyrý maqsatynda ázirlenip, myna kezeńderden turatyn:
1) qoǵamdyq mańyzy bar ádebıetti basyp shyǵarý úshin ótinimderdi qabyldaý jáne qarastyrý;
2) qoǵamdyq mańyzy bar ádebıetti basyp shyǵarýdyń Taqyryptyq josparyn bekitý, ádebıetti basyp shyǵarý tártibin aıqyndaıdy.
2. Qoǵamdyq mańyzy bar ádebıetti basyp shyǵarýǵa ótinim qabyldaý jáne qarastyrý tártibi
2. Qoǵamdyq mańyzy bar ádebıetti basyp shyǵarý úshin ótinim (budan ári - ótinim) jeke jáne zańdy tulǵalardan osy Qaǵıdalarǵa qosymshaǵa sáıkes Qazaqstan Respýblıkasy Mádenıet jáne sport mınıstrligine (budan ári - ýákiletti organ) beriledi.
3. Ótinim jyl boıy 1 qazanǵa deıin qabyldanady.
4. Ótinimmen qosa:
1) Qazaqstan Jazýshylar odaǵynyń nemese M.Áýezov atyndaǵy Ádebıet jáne óner ınstıtýtynyń retsenzııasy (kórkem, balalarǵa arnalǵan ádebıetke jáne pýblıtsıstıkany basyp shyǵarý úshin);
taqyryptyq baǵytyna qaraı salalyq ǵylymı-zertteý ınstıtýtynyń saraptamalyq qorytyndysy (ǵylymı ádebıetti basyp shyǵarý úshin);
Qazaqstan Respýblıkasynyń Prezıdenti Ákimshiliginiń kelisimi (Qazaqstan Respýblıkasynyń Prezıdenti týraly ádebıetti basyp shyǵarý úshin);
dinı qyzmet salasyndaǵy ýákiletti organnyń saraptama qorytyndysy (dinı ádebıetti basyp shyǵarý úshin);
tıisti shyǵarmashylyq odaqtyń saraptamasy (óner týraly ádebıetke, onyń ishinde fotoalbomdarǵa, kitap-albomdarǵa, mýzykalyq shyǵarmalarǵa jáne taǵy basqalarǵa basyp shyǵarý úshin);
2) qoljazbanyń SD-dıskige jazylǵan elektrondyq nusqasy;
3) «Avtorlyq jáne sabaqtas quqyqtar týraly» 1996 jylǵy 10 maýsymdaǵy Qazaqstan Respýblıkasynyń Zańynyń 31-babyna sáıkes aıryqsha quqyq berý týraly avtorlyq sharttyń notarıaldy kýálandyrylǵan kóshirmesi berilýi tıis;
4) usynǵan shyǵarmasyn ýákiletti organmen ınternet-resýrstarda ornalastyrýǵa avtordyń jazbasha kelisimi (avtorlyq shartta ondaı kelisim bolmaǵan jaǵdaıda nemese avtorlyq shart bolmaǵan jaǵdaıda);
5) ótkizilgen memlekettik satyp alýlardyń nátıjesi boıynsha anyqtalǵan baspamen avtorlyq shart jasaýǵa, sondaı-aq usynǵan shyǵarmasyn ýákiletti organmen ınternet-resýrstarda ornalastyrýǵa avtordyń jazbasha kelisimi (avtordyń jasalǵan avtorlyq sharty bolmaǵan jaǵdaıda).
5. Ýákiletti organ qosymsha berilgen qujattarmen qosa barlyq kelip túsken ótinimderdi aǵymdaǵy jylǵy 1 jeltoqsanǵa deıin ýákiletti organnyń janyndaǵy Ádebıet jáne kitap shyǵarý jónindegi kórkemdik keńestiń (budan ári - Kórkemdik keńes) qaraýyna usynady.
6. Kórkemdik keńes aǵymdaǵy jylǵy 31 jeltoqsanǵa deıin tıisti qarjylyq jylǵa bólingen bıýdjettik qarajatty esepke ala otyryp, qosymsha berilgen qujattardyń tizimimen qosa kelip túsken ótinimderdegi shyǵarmalardyń kórkemdik qundylyǵyn, basyp shyǵarýdyń ózektiligi men tıimdiligin qarastyrady.
3. Qoǵamdyq mańyzy bar ádebıetti basyp shyǵarýdyń Taqyryptyq josparyn bekitý
7. Kórkemdik keńes barlyq ótinimderdi qarastyrǵannan keıin shyǵarmany qoǵamdyq mańyzy bar ádebıetti basyp shyǵarýdyń taqyryptyq josparyna (budan ári - Taqyryptyq jospar) engizý nemese engizbeý jóninde sheshim qabyldaıdy.
8. Kórkemdik keńestiń sheshimi usynystyq sıpattaǵy hattama túrinde rásimdeledi.
9. Hattamaǵa kórkemdik keńestiń tóraǵasy, hatshysy, músheleri qol qoıady.
10. Kórkemdik keńes sheshiminiń negizinde ýákiletti organ otyz kúntizbelik kúnniń ishinde jeke jáne zańdy tulǵalarǵa tıisti jazbasha habarlama joldaıdy.
11. Tıisti jylǵa arnalǵan Taqyryptyq jospardy ýákiletti organ bekitedi.
