Qazaqstanda qoǵamdyq keńesterdiń áleýeti artýda
«Qoǵamdyq keńester jumysynyń jarııalylyǵyn arttyrý maqsatynda olardyń qyzmetiniń qorytyndylaryn buqaralyq aqparat quraldarynda jáne áleýmettik jelilerde keńinen jarııa etý jóninde sharalar qabyldanýda. Mınıstrlik qoǵamdyq keńesterdiń qyzmetin jarııa etý jónindegi 2022 jylǵa arnalǵan medıajospardy bekitti, onda naqty oryndaýshylary men merzimderi kórsetilgen is-sharalar kózdelgen. Budan basqa, mınıstrlik qoǵamdyq keńesterdiń áleýetin arttyrý jónindegi jumysty jalǵastyrýda», - dep atap ótedi vedomstvo basshysy.
Máselen, mınıstrdiń dereginshe, naýryzda ortalyq memlekettik organdardyń, jergilikti ókildi organdardyń jáne kvazımemlekettik sektor sýbektileriniń qatysýymen qurylǵan qoǵamdyq keńester múshelerin tarta otyryp, 3 semınar-trenıng ótkizildi. «Qoǵamdyq keńester ınstıtýtyn damytý» granttyq qarjylandyrý jobasy aıasynda ártúrli deńgeıdegi qoǵamdyq keńester úshin 6 óńirlik oqytý semınary uıymdastyryldy.
«Oń praktıka men tájirıbe almasý maqsatynda respýblıkanyń qoǵamdyq keńesteriniń músheleri X Azamattyq forým aıasynda uıymdastyrylǵan «Qazaqstan Respýblıkasynyń qoǵamdyq keńesteri: tájirıbe men perspektıvalar» taqyrybynda saraptamalyq talqylaýǵa belsene qatysty. Budan basqa, 2022 jylǵy 17 naýryzda Qazaqstandaǵy quqyq ústemdigi bastamasy (USAID kómegimen) Zańgerler qaýymdastyǵymen birlese otyryp, tájirıbe almasý, strategııalyq josparlaý jáne qoǵamdyq keńesterdiń qyzmetin jetildirý boıynsha ınteraktıvti sessııalardy engize otyryp, qoǵamdyq keńester músheleriniń áleýetin kúsheıtý boıynsha trenıng ótkizildi», - dedi Asqar Ýmarov.
