Qazaqstanda qoǵamdyq tamaqtaný oryndarynyń sany 20 myńǵa jýyqtady
ASTANA. KAZINFORM — Qazaqstanda qoǵamdyq tamaqtaný oryndarynyń sany bir jylda 17,5%-ǵa ósip, 19,6 myńǵa jýyqtady. Bul rette kafe sanynyń ósimi aıtarlyqtaı baıqaldy. Bul týraly Ulttyq statıstıka bıýrosy málim etti.
Stat bıýronyń dereginshe, byltyr Qazaqstanda 19 588 qoǵamdyq tamaqtaný nysany tirkelgen. Bul 2024 jylmen salystyrǵanda 17,5%-ǵa kóp.
2024 jyly elimizde 16 674 qoǵamdyq tamaqtaný nysany bolǵan. Qoǵamdyq tamaqtaný oryndarynyń sany boıynsha kósh bastap turǵan óńirler — Almaty qalasy (3 522 nysan), Astana qalasy (2 761) jáne Qaraǵandy oblysy (1 275). Meıramhanalar sany jyl ishinde aıtarlyqtaı ózgergen joq: olardyń sany 666 nysanǵa artyp, 3 024-ke jetti.
Ashanalar sany 5,7%-ǵa ósip, 5 618-den 5 940 nysanǵa deıin kóbeıdi. Ásirese kafeler sanynyń ósimi baıqalady — olardyń sany 5 202-den 5 987-ge deıin artyp, ósim 15,1%-dy qurady.
Meıramhanalardyń eń kóp sany Astana qalasynda (654), Almaty qalasynda (602) jáne Batys Qazaqstan oblysynda (248) shoǵyrlanǵan. Kafeler sany boıynsha Almaty qalasy (1 036), Astana qalasy (809) jáne Qaraǵandy oblysy (485) kósh bastap tur. 2025 jyly tamaqtaný jáne sýsyndar usyný salasyndaǵy qyzmetterdiń kólemi 2,1 trln teńgeni qurady.
Meıramhana nemese kafege kirip, kóńilińizge jaqqan taǵamǵa tapsyrys berdińiz delik. Alaıda esep aıyrysatyn kezde mázirde kórsetilgen somadan bólek, qyzmet kórsetý aqysy retinde taǵy 10-15% qosylǵanyn kóremiz. Kóbimiz zańdylyǵyna kóz jetkizbesten kórsetilgen somany tólep kete beremiz. Alaıda tutynýshy mundaı qosymsha aqyny tóleýge mindetti me? Tolyǵyraq myna siltemeden oqyńyz.
