Qazaqstanda qoǵamdaǵy túıtkildi máselelerdi taldaıtyn sarapshylar klýby quryldy
«Bizdiń ınstıtýt qabyrǵasynda «Sarap» sarapshylar alańy uıymdastyryp jatyrmyz. Basqasha aıtqanda, túrli sala sarapshylar klýby. Maqsat – qoǵamda oryn alyp jatqan túrli túıitkildi máselelerdi sarapshylarmen talqylaý. Sonymen qatar keshe ǵana Memleket basshysy halyq aldyna úshinshi Joldaýyn usyndy. Biz alǵa qoıǵan taǵy bir mindet Joldaýda aıtylǵan mańyzdy dúnıelerdi sarapshylarmen oı talqysyna sala otyryp, odan ári halyqqa jetkizý», - dedi «Rýhanı jańǵyrý» qoǵamdyq damý ınstıtýty Qoǵamdyq protsesterdi zertteý ortalyǵynyń jetekshisi Qazbek Maıgeldınov.
Onyń aıtýynsha, sarapshylar belgili bir qoǵamdyq máseleni talqyǵa salyp, nátıjesinde qarar qabyldanatyn bolady.
«Qoǵamdy tolǵandyryp otyrǵan máseleni saraptap, ony sheshý jolyn QR Aqparat jáne qoǵamdyq damý mınıstrligine rezolıýtsııa retinde usynatyn bolamyz. Taǵy bir aıtyp ótetin sát, bizdiń alań tek Joldaý kezinde ǵana emes, odan keıin de jumys isteı beredi. Qoǵamdyq saıası protsester bizdiń nazarda bolady. Elimizde oryn alyp jatqan jaıttardy apta saıyn onlaın jáne oflaın formatta qarastyratyn bolamyz. Elimizde qoǵamda oryn alyp jatqan jaıttardy taldap, oǵan ýaqytyly baǵa beretin saıası alań azdyǵy baıqalady. Osy oraıda sarapshylar alańy kerek-aq», - deıdi ol.
