Qazaqstanda kofe men shaı qymbattady
ASTANA. QazAqparat - 2017 jyldyń shilde aıynda Qazaqstan eksporttaıtyn taýarlardyń baǵasy 2014 jyldyń jeltoqsanymen salystyrǵanda 1,3%-ke, ımport taýarlarynyń baǵasy artqan 2,4%-ke artqan, al qańtar-shilde aralyǵynda ótken jyldyń osy kezeńimen salystyrǵanda eksport 12,9%-ke, ımport 8,9%-ke qymbattaǵan, dep habarlaıdy «QazAqparat» HAA QR Ulttyq ekonomıka mınıstrliginiń Statıstıka komıtetine silteme jasap.
Ústimizdegi jyldyń basynan beri eksport boıynsha baǵalardyń kóterilýi ferroqorytpalar - 51,5%, qara metall - 31%, mys rýdalary - 13,8%, kómir - 3,3% eksporttarynda baıqalǵan, al marganets rýdalary 26,2%-ke, qorǵasyn 5,1%-ke, tabıǵı gaz 4,4%-ke, myrysh 3,3%-ke, munaı 1,3%-ke arzan eksporttalǵan.
Maqta 7,5%-ǵa qymbattasa, jún (7,3%) men bıdaı (2,5%) arzandaǵan.
Import ónimderiniń ishinde: kofe 14,7%-ke, shaı 10,8%-ke, sút ónimderi 8,2%-ke, qus eti 1,2%-ke, makaron ónimderi 1,1%-ke qymbattaǵan. Kókónis 42,9%-ke, temeki 7,3%-ke, jemis-jıdek pen jańǵaq 4%-ke, ósimdik maıy 2,3%-ke arzandaǵan.
Plastmassanyń baǵasy 16,3%-ke, teri 6,1%-ke, aǵash (súrek) 2,7%-ke, farmatsevtıka ónimderi 0,3%-ǵa tómendegen.
