Qazaqstanda kofe 20 paıyzǵa qymbattady

NUR-SULTAN. QazAqparat – Qazaqstanda kofe baǵasy bir jyldyń ishinde 20 paıyzǵa qymbattady, dep habarlaıdy QazAqparat tilshisi Energyprom.kz portalyna silteme jasap.

Birinshi jartyjyldyqtyń qorytyndysy boıynsha elimizde 8,5 myń tonna óńdelgen shaı men kofe óndirildi. Bul bir jyl burynǵy kórsetkishten 8,6 paıyzǵa az. Óńirler arasynda óndiristiń jartysynan astamy ádettegideı Almatyǵa tıesili: 4,5 myń tonna, biraq bir jyl burynǵy kórsetkishten 21 paıyzǵa kem. Odan keıin Shymkent (2,6 myń tonna, +4,3%) jáne Almaty oblysy (973 tonna, +83,2%) tur.

2021 jyldyń qańtar–mamyr aılarynyń qorytyndysynda otandyq óndirýshiler óńdelgen shaı men kofege suranysty (ishki naryqtaǵy satý men eksport) bir jyl burynǵy 30,1 paıyzdyń ornyna 27,2 paıyz qamtamasyz etti. Importtyń úlesi tıisinshe 72,8 paıyzdy qurady. Qazaqstanǵa 17,3 myń tonna shaı men kofe jetkizildi. Bul bir jyl burynǵy kólemnen 5,9 paıyzǵa kem. Eksportqa 2,3 myń tonna óńdelgen shaı men kofe jiberildi. QR ishki naryǵynda 21,4 myń tonna ónim satyldy.

Bıyl shilde aıynda Qazaqstanda kofe bir jyl ishinde 19,6, shaı 16,7 paıyzǵa qymbattady. Kofe baǵasynyń qymbattaýyn eń kóp shymkenttikter sezindi: 47,4 paıyz. Odan keıin Aqmola jáne Atyraý oblystarynda 26,6 jáne 25 paıyzǵa qymbattady. Baǵanyń eń az ósýi Soltústik Qazaqstan oblysynda tirkeldi: 10,1 paıyz.

Foto:storge.pic2.me