Qazaqstanda «Kodtaý saǵaty» bastamasyna 30 myńnan astam adam qatysady
ASTANA. QazAqparat - 7-13 jeltoqsan aralyǵynda Qazaqstanda halyqaralyq ınformatıkany úırený aptasy aıasynda «Kodtaý saǵaty» bastamasy ótedi. Qazaqstan TMD ishinde «Kodtaý saǵaty» qozǵalysyna qosylyp, úkimet tarapynan (QR Bilim jáne ǵylym mınıstrligi men Investıtsııalar jáne Damý Mınıstrligi) qoldaý kórsetilgen alǵashqylardyń biri bolyp tabylady.
QR BǴM baspasóz qyzmetinen habarlaǵandaı, «Kodtaý saǵaty» bastamasy - baǵdarlamalaýdyń qyzyqty ári ońaı ekendigin kórsetetin tıimdi jol. 2014 pen 2015 jyldyń basynda shamamen 134 mıllıon adam mundaı bastamaǵa qatysty, onyń 15 mıllıony - AQSh-ta, al 7,5 mıllıony - Reseıde. Bul bastama baǵdarlamalaýdyń qyzyq emestigi, nemese «qyz balalarǵa arnalmaǵandyǵy», ne óte qıyn pán ekendigi týraly syńarjaq pikirlerdi seıiltedi. Bastama maqsaty - jastardyń baǵdarlamalaý men ınformatıkaǵa degen qyzyǵýshylyǵyn arttyrý, sonymen qatar jastar aldynda ІT mamandyǵynyń bedelin kóterý.
«Kodtaý saǵaty» Qazaqstanda buryn-sońdy ótken ІT salasyndaǵy bilim berý sharalar ishinde eń irisi bolady. Bul bastamaǵa oqýshylardyń rekordtyq sany - 30 myńnan astam adam qatysady dep kútilýde. Olardyń árqaısysy baǵdarlamalaý daǵdylaryn úırenýge biregeı múmkindik alady jáne ІT salasyndaǵy alǵashqy qadamdaryn jasaıdy. Informatıka páni boıynsha ashyq sabaq Qazaqstannyń barlyq mektepterinde 3-7 synyp oqýshylaryna ótkizilýine usynys jasalady.
«Kodtaý saǵaty» ınformatıkanyń arnaıy sabaǵynda muǵalim oqýshylarǵa baǵdarlamaýshynyń ne isteıtini týraly aıtyp beredi jáne balalarmen birge olardyń birinshi kod joldaryn jazady.
