Qazaqstanda KO shekarasynan tys jerlerge munaı ónimderin áketýge ýaqytsha tyıym salyndy

ASTANA. QazAqparat - Qazaqstanda munaı ónimderin áketýge ýaqytsha tyıym salyndy, dep habarlaıdy QR Energetıka mınıstrliginiń baspasóz qyzmetinen.

«Qazaqstan Respýblıkasy Ulttyq ekonomıka mınıstrligimen jáne Qazaqstan Respýblıkasy Qarjy mınıstrligimen kelisilgen Qazaqstan Respýblıkasy Energetıka mınıstriniń buıryǵymen Keden Odaǵynyń keden shekarasynan tys jerlerge Qazaqstan Respýblıkasynyń turmystyq pesh otynynan basqa jeńil dıstılıattar men taýarlardy (KO SEQ TN kody 2710 12), ortasha dıstıllıattar, kerosındi, gazoıldardy, dızel otynyn (KO SEQ TN kody kod TN VED TS 2710 19 110 0 - 2710 19 290 0, 2710 19 350 0 - 2710 19 480 0, 2710 20 110 0 - 2710 20 190 0) jáne basqa munaı ónimderin (kod TN VED TS 2710 20 900 0), áketýge alty aı merzimge deıin tyıym salynady», - dep jazylǵan habarlamada.

Qazaqstan Respýblıkasynyń ishki naryǵynda munaı ónimderiniń tapshylyǵyn jáne baǵanyń ósýine jol bermeý maqsatynda Qazaqstan Respýblıkasynyń «Saýda qyzmetin retteý týraly» Zańynyń 18 tarmaǵyna jáne Eýrazııalyq ekonomıkalyq odaq týraly kelisimsharttyń 7 qosymshasynyń 10 taraýyna sáıkes 2015 jylǵy 1 qańtardan bastap Buıryq óz kúshine enedi.