Qazaqstanda kimderge plastıkalyq ota tegin jasalady
PETROPAVL. KAZINFORM – Tegin medıtsınalyq kómektiń kepildik berilgen kólemi (TMKKK) aıasynda el azamattarynyń belgili bir sanatyna plastıkalyq ota tegin jasalady.
«Áleýmettik medıtsınalyq saqtandyrý qory» KeAQ Soltústik Qazaqstan oblysy boıynsha fılıalynyń málimetinshe, syrqatqa aǵzasynyń joǵalǵan fýnktsııalaryn qalpyna keltirý, ómir súrý sapasyn jaqsartý jáne eńbekke qabilettiligin qaıtarý maqsatynda rekonstrýktıvti plastıkalyq ota MÁMS aıasynda júrgiziledi. Mysaly, ol kúıip qalǵan teri plastıkasy, onkologııalyq aýrýlardan keıingi qalpyna keltirý nemese balalardyń betindegi týa bitken aqaýlardy túzetý otasy bolýy múmkin.
Plastıkalyq jáne rekonstrýktıvti hırýrgııa - ártúrli hırýrgııalyq protsedýralar júrgiziletin medıtsına salasy.
Plastıkalyq hırýrgııa:
- qol hırýrgııasy: qol jaraqattary, synyqtar, júıke zaqymdanýy sııaqty qol problemalaryn emdeý
- kúıik hırýrgııasy: kúıikterdi emdeý
- jumsaq tinderdiń hırýrgııasy: terini transplantatsııalaý, isikterdi joıý sııaqty jumsaq tinderge hırýrgııalyq aralasý
- travmatologııalyq hırýrgııa: jazataıym oqıǵalardan týyndaǵan jaraqattardy emdeý.
Rekonstrýktıvti hırýrgııa:
- sút bezin qalpyna keltirý: sút bezi qaterli isiginen keıin jasalatyn sút bezin qalpyna keltirý protsedýralary
- betti qalpyna keltirý: bettegi isikterdi alyp tastaǵannan keıin bet pishinin ózgertý
- týabitti aýytqýlardy túzetý: týa bitken deformatsııalardy túzetý
- jaraqattan keıingi qalpyna keltirý: jazataıym oqıǵalardan nemese basqa jaraqattan keıin paıda bolǵan tinderdiń joǵalýyn qalpyna keltirý.
TMKKK aıasynda jáne (nemese) MÁMS júıesinde mamandandyrylǵan medıtsınalyq kómek ambýlatorııalyq jaǵdaılarda ótinish berý sebepterine qaraı jáne mamandardyń joldamasy boıynsha josparly tártippen kórsetiledi.
Estetıkalyq kosmetologııalyq operatsııalar - blefaroplastıka, rınoplastıka, keýdeni kóterý jáne basqalary tegin jasalatyn ota tizimine enbegen.
Buǵan deıin Qazaqstanda tegin ota kimderge jasalatynyn, kimder tisin tegin emdete alatynyn jazdyq.