Qazaqstanda kim ǵaryshker bola alady: eń tómengi talaptar qandaı

ASTANA. KAZINFORM – Qazaqstanda ǵaryshker bolýǵa úmitkerlerge qoıylatyn negizgi talaptar men qajetti biliktilikter aıqyndaldy. Bul týraly Aeroǵarysh ónerkásibi komıteti Kazinform agenttiginiń saýalyna bergen jaýabynda habarlady.

Komıtettiń málimetinshe, irikteýdiń alǵashqy satysynda úmitkerdiń negizgi talaptarǵa sáıkestigi eskeriledi. ıAǵnı kandıdat Qazaqstan Respýblıkasynyń azamaty bolýy, jasy 18 ben 40 jas aralyǵynda bolýy jáne joǵary bilim alýy qajet.

Bul talaptarǵa saı kelgender kelesi kezeńde jan-jaqty baǵalaýdan ótedi. Munda olardyń kásibı qabileti men tájirıbesine basymdyq beriledi.

— Úmitkerlerden júıeli oılaý, kúrdeli tehnıkany meńgerý, tosyn jaǵdaıda durys sheshim qabyldaı bilý, sondaı-aq tsıfrlyq saýattylyq talap etiledi, - delingen komıtet jaýabynda.

Budan bólek, kandıdattardyń fızıkalyq daıyndyǵy men psıhologııalyq tózimdiligi joǵary bolýy shart. Olar oqshaý jaǵdaıda jumys isteı alýy, halyqaralyq quramdaǵy toppen úılesimdi áreket etýi jáne shet tilderin bilýi tıis.

Aıta keteıik, buǵan deıin «Artemıda-2 mıssııasynyń astronavtary Tynyq muhıtyna sátti qonyp, Jerge oralǵany habarlanǵan bolatyn.