Qazaqstanda klımattyń jylynýy álemmen salystyrǵanda tezirek júrip jatyr

Bul týraly búgin Parlament Májilisinde ótken Úkimet saǵatynda Qorshaǵan ortany qorǵaý mınıstri Nurlan Qapparov málim etti.

Mınıstrdiń aıtýynsha, 20 ǵasyrdyń sońyna qaraı Tıan-Shan taýlaryndaǵy muzdaqtardyń aýdany 25-35 paıyzǵa azaıǵan. «Jaǵdaı dál osyndaı jolmen órshı berse, 2050 jylǵa qaraı muzdaqtardyń basym bóligi erip ketýi múmkin. Bul jaǵdaı aýyl sharýashylyǵyn, ónerkásipterdi sýmen qamatamasyz etýge aıtarlyqtaı qater týdyrady. Búginderi Qazaqstandaǵy sý tapshylyǵy 20 paıyzdy qurap otyr. Bolashaqta tutynýdyń artýy men aýa raıynyń ózgeris saldarynan ondaı tapshylyq ulǵaıa túsýi múmkin»,- dedi N. Qapparov.

Sóz arasynda tabıǵatty qorǵaý vedomstvosynyń basshysy elimizde sý únemdeýdiń úlken múmkindigi bar ekenin de atap ótti.

Máselen, onyń aıtýynsha, elimizdiń kommýnaldyq salasynda sý únemdeýdiń áleýetin 50 paıyzǵa deıin arttyrýǵa bolady.