Qazaqstanda qyzylshaǵa qarsy 630 myń doza vaktsına bar

ASTANA. KAZINFORM — Densaýlyq saqtaý mınıstrligi Kazinform saýalyna joldaǵan jaýabynda qyzylshaǵa qarsy vaktsınanyń kólemin atady.

«Qazirgi tańda elimizde qyzylshaǵa, qyzamyq pen shyqshyt bezinýiniń qabynýyna qarsy 630 myń dozadan astam qurama vaktsına bar», — dep jazylǵan jaýapta.

Bul vaktsına aldyn alý ekpesiniń ulttyq kúntizbesi aıasynda (12-15 aılyq, 6 jasar balalar úshin) jáne qosymsha jappaı ımmýndaýǵa jatatyn kontıngentti qamtýǵa (6-10 aılyq, 2-4 jastaǵy balalar men buryn ekpe almaǵan medıtsına qyzmetkerlerin, josparly ekpeni ótkizip alǵan 18-ge tolmaǵan adamdarǵa arnalǵan.

Sondaı-aq, bul vaktsına qyzylsha oshaǵymen baılanysta bolǵandar jáne ekpe almaǵan nemese qyzylshaǵa qarsy vaktsına alǵany týraly málimet joq 30-ǵa deıingi azamattarǵa salynady.