Qazaqstanda qyzylsha men kókjótelge shaldyǵý kórsetkishteri 6,8 ese tómendedi

ASTANA. KAZINFORM — Alty aıdyń qorytyndysy boıynsha epıdemıologııalyq jaǵdaı turaqty deńgeıde, dep habarlaıdy Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti.

— 31 ınfektsııa, onyń ishinde qyzylsha, kókjótel 6,8 ese, A vırýstyq gepatıti 2,4 ese, koronavırýstyq ınfektsııa 2,1 ese, lıamblıoz 30%, askarıdoz 20% tómendedi, — dep atap ótti Komıtet. 

Sonymen qatar, esepti kezeńde 24 ınfektsııalyq aýrý, onyń ishinde: oba, tyrysqaq, dıfterııa, polıomıelıt, ish súzegi, paratıf boıynsha jaǵdaılar tirkelmegen.

Qyzylshaǵa qarsy profılaktıkalyq egýlerdiń ulttyq kúntizbesi sheńberinde 336 myńnan astam bala, al kókjótelge qarsy 480 myńnan astam bala egildi. Vaktsınatsııalaýmen qamtý usynylǵan kórsetkishter sheginde bolady.

Sondaı-aq, epıdemıologter atap ótkendeı, ulttyq ımmýndaý baǵdarlamasy basymdyqtarynyń biri adam papıllomavırýsyna qarsy vaktsınatsııalaý bolyp qala beredi.

11-13 jas aralyǵyndaǵy qyzdardy josparly ımmýndaý sheńberinde vaktsınatsııalaýdyń birinshi kezeńinen 148 444 qyz, ekinshi kezeńnen 86 745 qyz ótti.

Buǵan deıin bıylǵy naýryz aıynda qyzylshanyń 804 jaǵdaıy tirkeldi. Bul rette osy aýrýdy eń kóp juqtyrýdyń osyǵan deıingi kezeńimen (10339 jaǵdaı) salystyrǵanda, oǵan shaldyǵý kórsetkishiniń 99 paıyzǵa tómendeýi baıqaldy.