Qazaqstanda qyzǵaldaq pen raýshan baǵasy qansha turady

ASTANA. KAZINFORM – 8 naýryz merekesi qarsańynda Kazinform suranysqa ıe gúlderdiń baǵasyn salystyryp kórdi. 

Қазақстанда қызғалдақ пен раушан бағасы қанша тұрады
Коллаж: Kazinform

Raýshan gúliniń baǵasy Qazaqstan qalalarynda shamalas. Qazirgi kezde 600 teńgeden bastalyp, 2500 teńgege deıin jetedi. Gúl baǵasyna onyń túri, uzyndyǵy, oramasy áser etedi. Florıster keıingi kezde kúltesi sál qaıyrylǵan fransýz raýshany suranysqa ıe ekenin aıtty. Bir talynyń baǵasy 700 teńgeden bastalady. Al qarapaıym ǵana raýshannyń túıiri keıde 400-500 teńge bolady.

Raýshan gúliniń arzanyn Almatydan tabýǵa bolady. Munda uzyndyǵy 40 sm bolatyn gúl baǵasy 300-400 teńgeden bastalady. Al 50-70 sm raýshan baǵasy 600-950 teńge turady. Uzyndyǵy metr bolatyn raýshannyń ár taly 2100-2500 teńge dep kórsetilgen. Qyzylordada baǵa árkeldi. Bir tal raýshannyń quny 400 teńgeden bastalyp, 1200 teńgege deıin jetedi. Al Túrkistan turǵyndary 50 sm raýshandy 450-600 teńgege satyp alady. Uzyndyǵy 60-70 sm raýshan baǵasy 800 teńge turady. Kókshetaýda da baǵa 500 teńgeden bastalady. Gollandyq raýshandy 1000 teńgege satady.

Elimizdiń astanasynda raýshan gúlin túıirlep emes, býmasyn satyp alǵandy jón kóredi. Munda uzyndyǵy 40-70 sm bolatyn raýshannyń ár taly 450-700 teńge bolyp tur. Al odan uzynynyń ár talyn 800 teńgege, pıon gúli sekildi raýshandy 2100 teńgege satyp alýǵa bolady. Qyzyl, qoıý qyzyl, qyzǵylt tústi ári uzyndyǵy metr bolatyn raýshan baǵasy 2000 teńge turady.

Qazaqstanda qyzǵaldaq pen raýshan baǵasy qansha turady
Kollaj: Kazinform

Elimizdiń keıbir soltústik óńirinde raýshannyń ár talyn 600 teńgege satyp jatyr. Máselen Qostanaıda uzyndyǵy 40-50 sm bolatyn raýshan baǵasy osy. Al 60-70 sm bolsa baǵasy 800 teńgege jetedi. Raýshannyń bir talyn orap berse, baǵasy 900-1100 teńge bolady. Al uzyndyǵy metr bolatynyn qostanaılyqtar 1800-2100 teńgege satyp alady. Pavlodarda da dál osy baǵa. Raýshannyń ár taly 600-1500 teńge turady.

Aqtóbe, Aqtaý men Taldyqorǵanda raýshanyń baǵasy 700-1000 teńge turady. Óskemen, Atyraýda 50 sm raýshannyń ár taly 800, metr bolatyny 1200 teńge turady.

Taraz, Oral, Qonaevta raýshan gúliniń baǵasy 900 teńgeden bastalady. Oralda pıon gúli sekildi raýshannyń ár taly 1500 teńge turady. Tarazda bul gúl baǵasy 2500 teńge dep kórsetilgen.

Shymkentte raýshan gúliniń baǵasy 780-960 teńge (reseılik raýshan) turady. Gollandyq gúldiń baǵasy 960-2300 teńge dep kórsetilgen. Al Ekvadordan ákelingen raýshan gúliniń ár taly 960-3200, kenııalyq 960-1500 teńge turady. Al raýshan gúliniń bir butaǵy - 1725 teńge dep belgilengen. Pıon gúli sekildi raýshandy 2000 teńgege satyp alýǵa bolady.

Semeı men Petropavl turǵyndary raýshan gúliniń ár talyn 1000-1200 teńgege satyp alady. Qaraǵandy men Jezqazǵanda baǵa 1000-2000 teńge aralaǵynda.

Qyzǵaldaq baǵasy Qostanaıda arzan. Jergilikti óndirýshiler kóterme saýda jasaǵan adamǵa ár talyn 350 teńgege beredi. Al bólshek saýdada 560-600 teńge turady. Eń qymbaty - 800-900 teńge. Petropavlda 1000 danadan kóp satyp alǵan adamǵa ár talyn 400 teńgege beredi. Munda da óz jylyjaıy bar. Belarýs qyzǵaldaǵynyń baǵasy - 650 teńge. Qala bazarlarynda qyzǵaldaq 450-550 teńgege satylyp jatyr.

Qazaqstanda qyzǵaldaq pen raýshan baǵasy qansha turady
Kollaj: Kazinform

Taldyqorǵandyqtar qyzǵaldaqtyń ár talyn 400-600 teńgege satyp alady.

Kókshetaýda bul gúldiń baǵasy 500 teńgeden bastalady.

Qyzylorda, Pavlodar, Aqtaý, Oralda qyzǵaldaq baǵasy 600 teńge turady. Pavlodarlyqtar sýpermarketten 300-400 teńgege satyp alyp júr.

Astanada qyzǵaldaqtyń kóterme baǵasy 600 teńge turady. Al bólshek saýdada onyń baǵasy 900-950 teńge dep kórsetilgen.

Aqtóbede qyzǵaldaqtyń ortasha baǵasy 650-700 teńge turady. Al eger 100 taldan kóp alsańyz 600 teńgege satylady.

Qaraǵandyda qyzǵaldaq quny - 700-1000 teńge. Jezqazǵanda baǵa 800-1200 teńge aralyǵynda. Almaty men Semeıde qyzǵaldaqtyń ár taly 800 teńgeden bastalady.

Óskemende de 800 teńgeniń qyzǵaldaǵyn satyp alýǵa bolady. Bazarda onyń baǵasy 400-500 teńge turady.

Qyzǵaldaq baǵasy batys jáne ońtústik óńirlerdiń keıbirinde joǵary. Atyraýda bir taly 900-1500, Tarazda 950-1500, Shymkent pen Túrkistanda 960 teńge turady. Al Qonaevta 1000 teńgeden bastalady.

Kazinform buǵan deıin kınoteatrlardaǵy bılet qunyn bildi.

Сейчас читают