El aýmaǵynda qııar men qyzanaqtyń baǵasy qansha
Kún jylynyp, elimizdegi bazar men sýpermarketterde bıyl pisken kókónis te satylady bastady. Kazinform qııar men qyzanaqtyń saýda oryndarynda qansha teńgeden satylyp jatqanyn surap bildi.
Kóktemde dastarqanǵa qoıatyn salattyń negizgi quramy qııar men qyzanaqtan turady. Dúken sórelerinde kókónistiń bul eki túrine áli tańdaý az. Degenmen elimizdiń ońtústiginde baǵa ózge aımaqtarǵa qaraǵanda tómen.
Qııar baǵasy qansha
Elimiz boıynsha qııar baǵasynyń eń arzany Tarazda bolyp shyqty. Munda bir keli qııar – 600-650 teńgeden. Shymkentte qııardyń kelisi 600-800 teńgeden satylyp jatyr.
Almatyda qııar baǵasy 750 teńgeden bastalsa, Qyzylordada 800-den bastalǵan baǵa 1 000 teńgege jetedi.
Túrkistan men Qonaevta kókónis quny shamalas. Munda qııar kelisi 800-1 200 teńge turady.
Al Qostanaıda jergilikti jylyjaıda ósirilgen qııar baǵasy shamamen 900 teńge dep kórsetilgen. Biraq bazar men sýpermarkette baǵa 1 200-1 600 teńge bolyp tur.
Petropavlda uzyn qıyrdyń kelisi 950 teńgege, al usaq surpy 1250 teńgege satylyp jatyr.
Aqtaýlyqtar qııardy 1 000 teńgege satyp ala alady. Atyraýda bul kókónis quny – 1 150-1 200 teńgeden.
Pavlodar bazarynda Aqsýdyń qııary 1 200 teńgege satylyp jatyr. Al «mırında» surpynyń kelisi – 1 100 teńge. Sýpermarketterde baǵa joǵary. Munda qııardyń kelisi – 1 650 teńge. Al Aqtóbede qııar quny 1 200 teńgeden bastalady.
Kókshetaýda qııar quny – 1 250-1 400 teńge. Elordada baǵa osy shamalas.
Óskemen, Taldyqorǵan, Oral men Semeıde qııardyń bir kelisi – 1 350 teńgeden.
Jezqazǵan turǵyndary qııardy 1 350-1 600 teńgege satyp alsa, Qaraǵandyda baǵa – 1 380 teńge.
Qynanaq baǵasy – 1 000 teńge jáne odan joǵary.
Elimizdiń ońtústiginde baǵa tómen. Taraz bazarynda qyzanaq quny 600-700 teńgege baǵalansa, dúkende kelisi 1 000 teńgeden aspaıdy.
Túrkistan men Qonaevta qyzanaq kelisi 900-1 100 teńge dep kórsetilgen.
Almaty baǵa ártúrli. Qarapaıym qyzanaq kelisi 1 000-1 700 teńge, cherrı 1 500-1 600 teńge, al sary suryptysy 3 000 teńgege jýyqtaıdy.
Shymkentte qyzyl tústi qyzanaq kelisi – 1 165 teńge, al aqshyl qyzyl tústi qyzanaq kelisi – 2 520 teńge. Cherrıdiń baǵasy 1735 teńgeden bastalady. Qyzylordada qyzanaq quny 1 200 teńge bolyp tur.
Astanada aqshyl qyzyl tústi qyzanaq kelisi – 1 100-2 500 teńge shamasynda.
Aqtóbede qarapaıym qyzanaq kelisi – 1 200 teńge, «Saryaǵash» surpy men cherrı 2 000 teńge bolsa, sabaǵynan ajyramaǵan cherrıdiń kelisi 3 800 teńgege satylady.
Aqtaýda qyzanaq kelisi – 1 200 teńge.
Kókshetaýda baǵa múlde bólek. Munda qyzanaq kelisi 1 300-1 500 teńge bolsa, cherrı surpy 1 800 teńgege satylyp jatyr. Al Petropavlda baǵa 1 300 teńgege jýyqtap tur.
Qostanaıda qyzanaq kelisi 1 400 teńgeden bastalyp, 3 500 teńgege (surpy basqa, ásirese sarysyna baǵa joǵary) deıin jetedi.
Oral men Taldyqorǵanda qyzanaq baǵasy 1 500 teńge, al Atyraýda 1 500-1 600 teńge bolyp tur.
Jezqazǵanda qyzanaqtyń kelisi 1 550 teńgeden bastalyp, 2 000 teńgege jetedi. Al Qaraǵandyda baǵa 1 600-2 640 teńge dep kórsetilgen.
Elimizdiń shyǵysy Óskemen men Semeıde qyzanaqtyń kelisi surpyna qaraı ártúrly. Tashkenttik surpy – 2 100, qyzyly – 1 700, cherrı – 2 000, al sabaǵynan ajyramaǵany – 1 600 teńge.