Qazaqstanda qııar, qyzanaq jáne jumyrtqa arzandady
NUR-SULTAN. QazAqparat - Qazaqstanda aýylsharýashylyq qurylymdary óndirgen aýyl sharýashylyǵy ónimderiniń baǵasy 2019 jyldyń maýsymynda 2018 jyldyń jeltoqsanymen salystyrǵanda 7% artqan, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.
Atap aıtqanda, osy jyldyń maýsymynda ótken jyldyń jeltoqsanymen salystyrǵanda mal sharýashylyǵy ónimderiniń baǵasy 0,2% arzandap, ósimdik sharýashylyǵy - 9,6% qymbattaǵan.
Jyl basynan beri qaraqumyqtyń baǵasy 3,3% tómendese, bıdaı - 18,9%, arpa - 8%, júgeri - 5,5%, suly - 3,1%, kúrish - 1%, qarabıdaı - 0,7% kóterilgen.
Qııar baǵasy 13,5%, kartop - 5,8%, qyzanaq - 1%, sábiz - 0,6%, oramjapyraq - 0,4% arzandasa, qyzylsha - 4,9% jáne pııaz - 1,7% arzandaǵan.
Jylqy etiniń quny - 4,3%, iri qara mal eti - 3,7%, qoı jáne shoshqa eti - 2,2%, qus eti - 0,9% artqan. Jumyrtqa 17%, bal - 3,8%, qoı júni - 2,7%-ke tómendese, shıki sút 1,2% qymbattaǵan.
