Qazaqstanda qııar 30, qyzanaq 15,7 paıyzǵa arzandady
ASTANA. QazAqparat - Aǵymdaǵy jylǵy maýsymda 2017 jylǵy jeltoqsanmen salystyrǵanda aýylsharýashylyq qurylymdary ótkizgen aýyl sharýashylyǵy ónimi 0,2, mal sharýashylyǵy ónimi - 0,9 paıyzǵa qymbattap, al ósimdik sharýashylyǵy ónimi 0,2 paıyz arzandady.
Bul týraly QR Ulttyq ekonomıka mınıstrliginiń Statıstıka komıtetinen málim etti, dep habarlaıdy QazAqparat tilshisi.
Vedomstvo málimetinshe, aǵymdaǵy jylǵy qańtar-maýsymda baǵa taryǵa 5,8%, sulyǵa - 4,2%, kúrishke - 2,3%, bıdaıǵa - 1,2%, arpaǵa - 0,6% ósti, al qaraqumyqqa 9,6%, qara bıdaıǵa - 1,4%, júgerige - 0,1% tómendedi.
Jabyq topyraqtyń qııarlary 30%, jabyq topyraqtyń qyzanaqtary - 15,7%, basty pııaz jáne ashanalyq sábiz - 6,1%, kartop - 3,9%, ashanalyq qyzylsha - 2,7% arzandady, al qyryqqabat 2%- qymbattady. Baǵa keptirilgen burshaqqa 10,1% tómendedi, al kúnbaǵys tuqymyna 0,3%, soıa burshaqtaryna - 0,1% ósti.
Baǵa qus etine 11,2%, iri qara mal etine - 2,4%, jylqy etine - 2%, qoı etine - 1,2%, shoshqa etine - 0,8%-ǵa ósti. Shıki sút 1,8% qymbattady, al jumyrtqa 19% arzandady.
