Qazaqstanda kitaptar 16% qymbattady

ASTANA. QazAqparat - 2022 jylǵy qarashada Qazaqstanda ótken jyldyń sáıkes aıymen salystyrǵanda kitaptar 16,5 paıyzǵa qymbattady. Bul týraly QazAqparat Ulttyq statıstıka bıýrosyna silteme jasap habarlaıdy.

Óńirlik bóliniste kitap baǵasy Aqmola oblysynda eń qatty ósken – 43,4%. Sonymen qatar eń joǵary ósim baıqalǵan óńirler bestigine Túrkistan oblysy (41,4%), Astana qalasy (38,3%), Qostanaı oblysy (28,9%) jáne Atyraý oblysy (24,9%) kirdi. Baǵa Mańǵystaý oblysynda ǵana ózgerissiz qaldy.

Aıta keteıik, sońǵy 10 jyl ishindegi eń joǵary qymbattaý (jyldyq) 2016 jyldyń tamyzynda tirkeldi. Ol kezde baǵa 26,4%-ǵa ósti.

Aıta keteıik, respýblıkada 3 920 kitaphana jumys isteıdi, onyń tórteýi - elektrondyq.