Qazaqstanda kitap shyǵaratyn kezde oqyrman pikiri eskeriletin bolady
«Bizde otandyq jazýshylardyń týyndylaryn shyǵarýǵa arnalǵan baǵdarlama bar. Soǵan sáıkes bıyl bizdiń mınıstrliktiń qoldaýymen shyǵatyn kitaptardyń barlyǵy aldymen kitap palatasynyń saıtyna jarııalanady. Ol jerde ár oqyrman jańa týyndymen tanysa alady jáne oqyp bolǵan soń óziniń oı-pikirin qaldyrý múmkindigi bar. Mundaǵy maqsat – oqyrmannyń pikirin elep, sol arqyly jaryq kóretin kitaptardyń sany men sapasyn arttyrý», - dedi QR Mádenıet jáne sport mınıstriniń orynbasary Nurǵısa Dáýeshov.
Onyń aıtýynsha, jańa týyndyny shyǵarmas buryn buqaranyń talqysyna salyp, oıyn tyńdaǵan abzal.
«Kitaptyń oqyrmany - halyq. Sondyqtan jurt qandaı kitap shyǵyp jatqanyn, onyń avtory kim ekeni bilgeni jón. ıAǵnı, mınıstrlik kópshiliktiń talqysynan túsken soń ǵana jaryqqa shyǵaratyn kitaptardyń tizimin jasaqtap, irikteý jasaıdy. Árıne bul jerde oqyrman pikirinen bólek, sala mamandarynan qurylǵan arnaıy komıssııa jumys isteıdi. Degenmen halyqpen keńesý - basty maqsatymyzdyń biri bolyp otyr», - deıdi ol.
Buǵan deıin vıtse-mınıstr elimizde balalar men jasóspirimderdi kitap oqýǵa qyzyǵýshylyǵyn arttyrý maqsatynda arnaıy tujyrymdama ázirlengenin aıtqan edi.
