Qazaqstanda kisi óltirdi degen kúdik keltirilgen aǵaıyndylar Reseıde ustaldy

Bul týraly búgin QR ІІM resmı ókili Nurdildá Oraz málim etti.

«Adam óltirgenderi úshin 17 jyl boıy izdeýde júrgen aǵaly-inili eki azamat Reseı Federatsııasynda qolǵa tústi. 44 jáne 41 jastaǵy Ońtústik Qazaqstan oblysynyń turǵyndary Kemerovo oblysynyń Taıga qalasynda boı tasalaǵan. Olardy ustaý sharasyna oblystyq ІІD-niń tergeý toby qatysty», - dedi ol.

Resmı ókildiń atap ótýinshe, izdeý jarııalanǵan azamattardyń Ońtústik Qazaqstan oblysy, Saıram aýdany, Belye Vody eldi mekenindegi 1996 jylǵy jańa jyl túninde tóbeles barysynda oryn alǵan adam ólimine qatysy bar ekendigi anyqtaldy. Sol ýaqytta olar buzaqylyq áreketke baryp, birneshe aýyl turǵynyn soqqyǵa jyqqan. Jaraqat saldarynan aýyl turǵyndarynyń biri kóz jumǵan.

«Qazirgi tańda ustalǵandardy ekstradıtsııalaý máseleleri sheshilýde», - dedi N.Oraz.