Qazaqstanda qyrkúıek aıy jańbyrly bolady dep boljanyp otyr
ASTANA. KAZINFORM – Sınoptıkter elimiz boıynsha qyrkúıekke arnalǵan aýa-raıynyń konsýltatıvtik boljamyn jasady.
«Qazgıdromet» RMK aqparaty boıynsha, qyrkúıekte respýblıkanyń kóptegen oblysynda aýa-raıy salqyn jáne jańbyrly bolady dep kútilip otyr. Qyrkúıektiń basynda eldiń batysynda jaýyn-shashynsyz aýa raıy saqtalmaq.
Eldiń soltústik óńirinde jaýyn-shashyn bir aı ishinde jıi jaýmaq. Arasynda 1-3 kún qysqa úzilister bolady. Keıbir kúnderi respýblıka boıynsha naızaǵaı, burshaq jáne ekpindi jelmen qatty jańbyr jaýady dep boljanyp otyr.
Qyrkúıektiń birinshi onkúndiginde aýa temperatýrasy tómendegideı bolmaq:
eldiń batysynda túnde + 8 +15°S, kúndiz+23 +30°S sheginde;
respýblıkanyń ońtústik-batysynda túnde + 17 + 25°S, kúndiz + 28 + 35°S, tek jekelegen kúnderi – temperatýranyń shamaly tómendeýi tirkeledi;
Aqtóbe oblysynda aýa temperatýrasynyń túnde +3+10°S-tan +10+15°S-qa deıin, kúndiz +17+25°S-tan +22+27°S-qa deıin aýytqýy kútiledi;
Qostanaı oblysynda túnde +2+7°S-tan, topyraqta +8+deıin aıaz bolýy múmkin13°S, kúndiz + 10 + 18°S-tan +17+25°S-qa deıin.
Qazaqstannyń soltústik jáne ortalyq óńirlerinde túnde +2+10°S deıin sýytady, biraq topyraqta 2°, kúndiz +8+15°S deıin aıaz bolýy múmkin, onkúndiktiń sońynda temperatýralyq fonnyń shamaly kóterilýi kútiledi.
Respýblıkanyń shyǵysynda aýa temperatýrasynyń túnde +8+16°S-tan +2+7°S-qa deıin aýytqýy kútiledi, onkúndiktiń ekinshi jartysynda aıaz bolýy múmkin, kúndiz +12+23°S-tan +17+25°S-qa deıin;
eldiń ońtústiginde, ońtústik-shyǵysynda aýa temperatýrasynyń kúndiz +22+30°S-tan +17+23°S-qa deıin aýytqýy boljanyp otyr.
Qyrkúıektiń ekinshi jáne úshinshi onkúndikterinde respýblıkanyń soltústiginde, ortalyǵynda jáne shyǵysynda aýa temperatýrasy túnde + 3 + 8°S quraıdy, jekelegen aýdandarda aıaz baıqalýy múmkin, kúndiz temperatýra +12+19°S-tan +21+26°S-qa deıin ózgeredi;
Eldiń batysynda jáne ońtústik aımaqtarynda aýa temperatýrasy túnde +7+15°S, aıdyń ekinshi jartysynda topyraq betinde aıaz bolýy múmkin, kúndiz aýa temperatýrasynyń +25+35°Sdo +15+23°S aýytqýy kútiledi.
Qyrkúıektiń úshinshi onkúndiginde soltústik, ortalyq jáne shyǵys aımaqtarda jańbyr qarǵa ulasýy múmkin.
Bul konsýltatıvtik boljam dep sanalady, oǵan naqtylaý onkúndik jáne aptalyq boljamdar shyǵarylatynyn atap ótken jón.
