Qazaqstanda kirister týraly deklaratsııany jasaý erejeleri bekitildi

NUR-SULTAN. QazAqparat - QR Qarjy mınıstri tıisti buıryqpen jeke tulǵalardyń kiristeri men múlki týraly deklaratsııanyń formalaryn jáne ony jasaý erejelerin bekitti, dep habarlaıdy QazAqparat.

Qarjy mınıstrligi taratqan málimetterge qaraǵanda, aktıvter men mindettemeler týraly deklaratsııa 2021 jyldan bastap esepti salyq kezeńiniń 31 jeltoqsandaǵy jaǵdaı boıynsha jyl saıyn usynylady. ıAǵnı:

jaýapty memlekettik qyzmettegi tulǵalar jáne olardyń jubaılary;

memlekettik fýnktsııalardy oryndaýǵa ýákiletti tulǵalar jáne olardyń jubaılary;

memlekettik fýnktsııalardy oryndaýǵa ýákilettik berilgen adamdarǵa teńestirilgen adamdar men olardyń jubaılary;

«Qazaqstan Respýblıkasyndaǵy saılaý týraly» Konstıtýtsııalyq zańǵa jáne «Bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar naryǵy týraly», «Sybaılas jemqorlyqqa qarsy is-qımyl týraly» zańdarǵa sáıkes deklaratsııany tabys etý mindeti júktelgen tulǵalar.