Qazaqstanda kirgen júk kóliginiń bárine navıgatsııalyq plomba ornatylady
«Jyl saıyn EAEO-ǵa múshe memleketterden Qazaqstanǵa keletin kólikterdiń sany artyp keledi. Sol sebepti bizdiń aldymyzdaǵy ótkir máseleniń biri – zamanǵa saı tehnologııalardy paıdalana otyryp, olardy qadaǵalaý. Sondyqtan navıgatsııalyq plomba ınstıtýtyn engizip jatyrmyz. Mundaı navıgatsııalyq plombalardy kólikke taǵý jumysy bar-joǵy bir mınýt ýaqytty alady», - dedi Qarjy vıtse-mınıstri Qanat Baedılov Májilistiń jalpy otyrysynda.
Qarjy vıtse-mınıstri bul rette navıatsııalyq plombalar ne úshin qoldanylatynyn aıtyp berdi.
«Qazaqstan shekarasyna júk kóligi qalaı keledi – biz birden sol kólikke plombalardy qosyp, iske qosamyz. Navıgatsııalyq plombanyń sıgnaly Memlekettik kirister komıtetiniń sıtýatsııalyq ortalyǵyna túsedi. Biz bul avtokólik quraldarynyń qozǵalysyn baqylap otyramyz. Eger kólik jospardan tys basqa jolmen ketse nemese navıatsııalyq plomba ádeıi alynyp tastalsa – Memlekettik kirister komıteti jedel áreket etedi. Bizdiń qolymyz uzyn. Óńirlerdiń bárinde Memlekettik kirister komıtetiniń óńirlik bólimsheleri bar. Zań jobasyn ázirleý barysynda Memlekettik kirister komıteti, Іshki ister mınıstrligi men Ekonomıkalyq tergeý qyzmeti ózara áreket etý tártibin retke keltiredi. Tıisinshe ereje buzýshylarǵa ýaqtyly áreket etetin kúsh pen quziret bolady», - dedi ol.
Eske sala ketsek búgin Parlament Májilisinde «QR keıbir zańnamalyq aktilerine halyqaralyq avtomobıl tasymaldaryn qadaǵalap otyrý máseleleri boıynsha ózgerister men tolyqtyrýlar engizý týraly» zań jobasy tanystyrylǵan bolatyn.
