Qazaqstanda kınematografııa ekonomıkanyń tabys ákeletin bir salasyna aınalýy tıis - Dıdar Amantaı
ALMATY. QazAqparat - Búgin Almatyda «Dostyq úıinde» QR Mádenıet jáne sport mınıstrligi Qazaq ǵylymı-zertteý mádenıet ınstıtýty uıymdastyrǵan «Qazaqstan Respýblıkasyndaǵy kınematografııany 2050 jylǵa deıin damytý tujyrymdamasy jobasy» jáne «Kıno týraly» zań jobasyn talqylaý boıynsha kezekti dóńgelek ústel ótti.
Oǵan belgili kınematografıster, mádenıet jáne óner salasynyń mamandary, ǵalymdar jáne jas rejısserler qatysty.
«Biz kınematografııany tek qana óner emes, sonymen qatar, ekonomıkanyń tabys ákeletin úlken bir salasy retinde qarastyrǵymyz keledi. Ol solaı bolýy tıis. Al bul úshin jeke zań qajet. Ol zańda kıno salasyn tolyǵymen retteıtin jáne osy kıno salasyna ınvestıtsııa jumsaıtyn otandyq jáne sheteldik kompanııalardyń múddesin, quqyqtaryn qorǵaıtyn normalar bolýy kerek. Sondyqtan, qazirgi qolda bar «Kıno týraly» zań jobasyn myqtap qolǵa aldyq. Bul jumysqa, kıno salasynyń mamandaryn, ǵylymı, mádenı ınstıtýttardyń ǵalymdaryn tartyp, aqyldasyp, óz usynystarymyzdy ortaǵa salyp jatyrmyz. Bul jańa zań jobasynda kıno óndirisiniń barlyq kezeńi - kıno túsirý týraly ıdeıadan bastap, fılm ekranǵa shyqqanǵa deıingi kezeńderdiń barlyǵy tolyǵymen qamtylǵan. Bizdiń basty maqsatymyz - kıno salasyn ózin-ózi retteı alatyn, óz shyǵynyn ózi óteı alatyn júıege aınaldyrý», - dedi belgili jazýshy, stsenarıst, kınematografıst Dıdar Amantaı.
Aıta ketelik, «Kıno týraly» zań jobasy 2017 jyly talqylanatyn zań jobalarynyń tizimine engizildi. ıAǵnı, aldaǵy jyly bul zań jobasy QR Parlamenti depýtattarynyń qatysýymen memlekettik deńgeıde talqylanatyn bolady. Biraq, ol kelesi jyly qabyldana ma, joq pa, ol birinshi kezekte kıno salasy mamandary men halyq qalaýlylarynyń erik-jigerine baılanysty.
