Qazaqstanda qymyz óndirisi artty

ASTANA. KAZINFORM – Ulttyq statıstıka bıýrosy Naýryz merekesi qarsańynda ulttyq sýsyndar óndirisiniń kórsetkishin qarap kórdi.

2025 jyldyń alǵashqy eki aıynyń qorytyndysy boıynsha, qymyz óndirisi 7,2% artqan. Máselen, 2025 jyldyń qańtar-aqpan aılarynda 178 tonna qymyz óndirildi, al 2024 jyldyń sáıkes kezeńinde bul kórsetkish 12 tonnaǵa az bolǵan.

- Sonymen birge shubat óndirisi 2,8% tómendedi. 2025 jyldyń alǵashqy eki aıynda 184 tonna shubat óndirilgen, bul 2024 jyldyń osy kezeńimen salystyrǵanda 5 tonnaǵa az, - dep jazdy vedomstvodan.

Aıta keteıik, 2023 jyly qymyz óndirisi 1812 tonnany qurasa, 2024 jyldyń 12 aıynda 1541 tonna óndirildi. Al 2023 jyly shubat óndirisi 1813 tonnany, 2024 jyly 1865 tonnany qurady.

Aıta keteıik, Abaı oblysynyń kásipkeri qymyzdan balmuzdaqtyń 18 túrin shyǵarady.