Qazaqstanda kıikterdiń tóldeý kezeńi bastaldy

ASTANA. KAZINFORM — Kıikterdiń tóldeý kezeńi mamyr aıynyń sońyna deıin jalǵasady dep boljanady, dep habarlaıdy QR ETRM Orman sharýashylyǵy jáne janýarlar dúnıesi komıteti.

Kıik — Qazaqstan dalasynyń ejelgi turǵyndarynyń biri. Búgin álemdegi kıikterdiń 98%-dan astamy Qazaqstanda mekendeıdi.

— Mamyr aıynyń basynda Betpaqdala, Ústirt jáne Oral popýlıatsııalarynyń mekendeý aýmaqtarynda kıikterdiń tóldeý kezeńi bastaldy. Osy kezeńde «Ohotzooprom» RMQK ınspektorlary tóldeý jappaı júrip jatqan jerlerde táýlik boıy kezekshilik uıymdastyrdy, — delingen komıtet taratqan aqparatta.

Osyǵan deıin Aqtóbede kıik taptaǵan alqaptyń naqty kólemi anyqtalǵanyn jazǵanbyz.