Qazaqstanda kıikterdiń qyrylý sebebi aıtyldy
ASTANA. KAZINFORM — Qazaqstanda kıikterdiń qyrylý kórsetkishi tabıǵı norma sheginde. Bul týraly Ekologııa jáne tabıǵı resýrstar mınıstrliginiń vıtse-mınıstri Nurken Shárbıev málim etti.
Onyń aıtýynsha, kıikterdiń ómir súrý uzaqtyǵy orta eseppen bes jyldan aspaıdy, al popýlıatsııanyń jańarýy 3-4 jyl saıyn bolyp turady.
— Bizde kıikterdiń qyrylýy jyl saıyn tıisti tabıǵı normanyń deńgeıinde baıqalyp otyr. El aýmaǵynda 26 myń óleksesi anyqtaldy, sonyń ishinde Batys Qazaqstan oblysyna 11 myńy tıesili. Ózderińiz bilesizder, kıiktiń negizgi bóligi BQO-da, — dedi Nurken Sharbıev Úkimet otyrysynan keıingi baspasóz máslıhatynda.
Onyń sózine qaraǵanda, kıik sanaǵynyń nátıjesi maýsym aıynda jarııalanady. Aldyn ala boljam boıynsha olardyń sany 5 mln-nan asýy múmkin.
Buǵan deıin habarlanǵandaı, sáýir aıynyń aıaǵynda el aýmaǵynda 17 myńnan astam kıik óleksesi joıyldy.
Aıta keteıik, osyǵan deıin qysta nege kıikter qyrylatyny týraly málimet berdik.
Qys mezgilinde atalyq kıikterdiń qyrylýy 5–10%, al qatań qys kezinde bul kórsetkish 50–70%-ǵa jetedi.
