Qazaqstanda kıim óndirisi bir jylda 18% ósti
NUR-SULTAN. QazAqparat – Qazaqstanda kıim óndirisi bir jylda 18% ósti, dep habarlaıdy QazAqparat Ranking.kz saıtyna silteme jasap.
2019 jyly 5 aıdyń ishinde óndiris kólemi aqshaǵa shaqqanda 16,2 mlrd tg qurasa, bir jyl buryn bul kórsetkish 13,8 mlrd tg bolǵan edi. Almaty oblysynda – 22,4%, Almatyda - 15,1% jáne Qaraǵandy oblysynda – 11,2% kıim-keshek shyǵaryldy. Almaty oblysynda iri kıim óndirýshi «Glasman» JShS, Almatyda – «KazLegProm» JShS, Qaraǵandy oblysynda - «Temirtau Associates and Ancillaries» JShS.
Qazaqstandyq dızaınerler Berlin Fashion Week iri sán aptalyǵy aıasynda Fashion Hall kórsetilimine qatysty.
«Sahnaǵa alǵashqylardyń biri bolyp Aspara brendiniń kıimderin kıgen modelder shyqty. Onyń avtory – Aıdarhan Qalıev. Ol eýropalyq kórsetilimderge únemi qatysyp turady. Qazaqstandyq dızaıner neofolklor stılinde jumys isteıdi. Sondaı-aq, berlındik sánsúıer qaýym Álııa Saǵdıdiń kıimderin ystyq yqylaspen qarsy aldy. Astanalyq dızaıner «Qazaq Shaneli» atty kollektsııasymen Berlin Fashion Week-ke alǵash ret qatysyp otyr», - delingen jazbada.
Jalpy, kıim óndirisi óskenimen, 5 aıdyń qorytyndysy boıynsha syrt kıim óndirisi (áıelder kıimi −25,6%, erler −23,8%) qysqarǵan. Sonymen qatar, toqyma kıimder óndirisi 3,4 esege artqan.
Otandyq óndiristegi erlerge arnalǵan ish kıimder baǵasy aıtarlyqtaı qymbattady. Qazaqstanda áıelder kóılegi bir jylda 5,9%-ǵa kóterilgen.
