Qazaqstanda kıikti atqandarǵa salynatyn aıyppuldyń mólsheri artty
ASTANA. QazAqparat - Qazaqstanda ańnyń birneshe túrin zańsyz atqandarǵa salynatyn aıyppuldyń mólsheri artty, dep habarlaıdy «QazAqparat»HAA tilshisi.
«Bıyldan bastap tabıǵattyń qorǵaý zańnamasyn buzǵany úshin birqatar aıyppuldardyń kólemi ósti. Atap aıtqanda, qabandy nemese elikti zańsyz aýlaǵandar 250 AEK, kıikti zańsyz aýlaǵandar buryn 200 AEK aıyppul tólep kelse, endi ol 350 AEK ósken. Al Úırekti atqandar 5 AEK kóleminde aıyppul tóleıtin bolady», - deıdi QR Orman sharýashylyǵy jáne janýarlar dúnıesi komıteti tóraǵasynyń orynbasary Qaırat Ústemirov.
Sondaı-aq Qaırat Ústemirovtyń aıtýynsha, QR Ákimshilik quqyq buzýshylyq týraly kodekstiń 382-baby boıynsha 2017 jyly 165 adam ákimshilik jaýapkershilikke tartylǵan. 2016 jyly mundaı zań buzýshylyqtar 243 márte tirkelgen.
