Qazaqstanda kıikter táýlik boıy kúzetilýde - Asqar Myrzahmetov
«Kıikterdiń jappaı qyrylýy oryn alǵannan keıin biz osy janýarlardy qorǵaý tásilin qaıta qarastyrdyq. Sońǵy sanaqtyń málimetteri óken jylǵa tıesili, al bıyl sanaq sáýirde ótkendikten, onyń qorytyndysy áli shyǵarylǵan joq. Jınaqtalǵan málimetter óńdelip jatyr. Byltyrǵy sanaqtyń qorytyndysy boıynsha 108 myńnan astam kıik bar, onyń basym bóligi Oral taralymynda, odan keıin Betpaqdala popýlıatsııasy bar. Al Ústirt taralymyda kıik áldeqaıda azaıǵan», -dedi Myrzahmetov «Qazaqstan Respýblıkasynyń keıbir zańnamalyq aktilerine ósimdikter men janýarlar dúnıesi máseleleri boıynsha ózgerister men tolyqtyrýlar engizý týraly» zań jobasyn birinshi oqylymda talqylaý barysynda.
Onyń sózine qaraǵanda, kıikter sanynyń azaıýyna, sonymen qatar olardyń shaǵyn toptarǵa bólinip ketýine baılanysty qorǵaý táselderin qaıta qaraýǵa týra keldi.
Osy oraıda «Ohotzoopromnyń» múmkindikteri kúsheıtildi. Búginde bul mekemede 200-den astam ınspektor jumys isteıtin bolsa, sonyń 160-qa jýyǵy kıikterdi qorǵaýǵa jumyldyryldy. Bul rette janýarlardy táýlik boıy kúzetý tártibi iske asyrylýda.
«Kıikterdi qorǵaýǵa ǵalymdardy da tartýdamyz. Olardyń bergen usynystaryn eskere otyryp, atqarylyp jatqan sharalar janýarlardyń sanyn kóbeıtýge yqpal etedi dep oılaımyz. Bıylǵy sanaqtyń naqty qorytyndysy shyǵarylǵan joq, alaıda kıikterdiń sany byltyrǵa qaraǵanda artqanyn baıqaýdamyz»,-dep túıindedi sózin Myrzahmetov.
Eske salsaq, 2015 jyly úsh óńirde 134 myń kıik qyryldy. 2013 jyly Qostanaı, Aqtóbe, Aqmola oblystarynda pasterellezden - 1,5 myń, 2012 jyly - 1 myń, 2010 jyly 12 myńǵa jýyq kıik qyryldy.