Qazaqstanda kıik sany artýda - QR AShM
ASTANA. 12 maýsym. QazAqparat - Sońǵy 2 jyldyń ishinde kıikter sany 51 myń basqa ósti, dep habarlady QR aýyl sharýashylyǵy mınıstrliginiń baspasóz qyzmetinen.
Vedomstvonyń atap ótýinshe, sońǵy sanaq málimetterine sáıkes, kıikter sany aǵymdaǵy jyly 137,5 myńdy qurap, ótken jylǵy kórsetkishten 34,8 paıyz ósim kórsetken.
«Ólim-jitimin (aǵymdaǵy jyldyń 19-24 mamyr aralyǵynda Qostanaı oblysynyń Jangeldi aýdanynda pasterellezden 925 bas kıik óldi) esepke alǵanda respýblıka aýmaǵynda qazirgi ýaqytta 136,57 myń bas kıik bar», - delingen habarlamada.
Qazirgi ýaqytta Qazaqstanda bul janýardyń álemdik taralymynyń 90 paıyzy tirshilik etedi.
