Qazaqstanda kıik sany 150 myńnan asty

ASTANA. QazAqparat - Qazaqstanda kıik sany 152 myńǵa jetip otyr. Bul týraly búgin Úkimettiń selektorlyq rejimdegi otyrysynda QR Aýyl sharýashylyǵy vıtse-mınıstri Erlan Nysanbaev aıtty, dep habarlaıdy QazAqparat.

Vıtse-mınıstrdiń dereginshe, Qazaqstanda 687 ańshylyq sharýashylyǵy bar, jabaıy ań-qus ósirýmen olardyń 18-i nemese  2,3  paıyzy ǵana aınalysady. 

«Ańshylyq sharýashylyǵy qyzmetine qarqyn berý úshin bıyl fermerlik ańshylyq sharýashylyǵy uǵymy zańnamalyq turǵyda engizildi jáne de ony damytý maqsatynda qajetti sharalar qoldanylýda. Onyń ishinde bir ańshylyq sharýashylyǵyna bekitip berý kezinde ańshylyq sharýashylyqtarynyń ońtaıly alqabyn anyqtaý ádistemesi ázirlendi. Búgingi tańda ańshylyq sharýashylyqtarynyń alqaptary  5 myń gektardan 1,5 mln gektarǵa deıin qubylady», - dedi ol.

Sonymen qatar onyń aıtýynsha, sırek kezdesetin janýarlar túrlerin keıinnen tabıǵı ortaǵa qaıtara otyryp, olardy fermerlik ańshylyq sharýashylyqtarynda paıdalaný úshin kommertsııalyq maqsattarda alýǵa ruqsat etildi. 

«2015 jylǵy  kıikterdiń ólim-jitiminen keıin olardyń sanyn kóbeıtý jóninde sharalar qoldanylýda jáne búgin tańda olardyń sany 108 myńnan 152 myń daraqqa deıin kóbeıdi», - dedi Erlan Nysanbaev.