Qazaqstanda kıik sanaǵy júrgizildi
NUR-SULTAN. QazAqparat - 19 sáýir 3 mamyr aralyǵynda Qazaqstanda kıik sanaǵy júrgizildi, dep habarlaıdy QazAqparat Qazaqstannyń bıoalýantúrliligin saqtaý qoryna silteme jasap.
Áýeden júrgizilgen sanaq QR AShM Orman sharýashylyq jáne janýarlar álemi komıteti tapsyrysy boıynsha Qazaqstannyń bıoalýantúrliligin saqtaý qorynyń (QBSQ) mamandaryna júkteldi.
«Kıik popýlıatsııasyn esepke alǵan QBSQ mamandary úsh topqa bólindi. Birinshi jáne ekinshi top Ústirt jáne Jaıyq popýlıatsııasyn, al úshinshi top Betpaqdala kıikterin sanady.
Sanaq barasynda qyzyqty sátter az bolmady. Aıtalyq QBSQ mamandary buǵan deıin 2015 jyldan beri baıqalmaǵan jerlerden tobymen júrgen kıikterdi kórdi. Sondaı-aq esepke alý kúnderiniń birinde kıiktiń álemdegi popýlıatsııasynyń 50 paıyzy bolatyndaı bókenge jolyqty. Sol kúni mamandarǵa ońaı soqpady, óıtkeni qarasy mol kıik jıi kezdesken kezde olardy sanaý da qıyn bolady», delingen habarlamada.
Qordyń habarlaýynsha, kıiktiń naqty sany sanaqtyń sońǵy kezeńinde málim bolady. Onyń nátıjesi maýsym aıynyń basynda jarııa etiledi.
Kıikti sanaý jumystaryna QR Aýylsharýashylyq mınıstrliginiń jáne «Ohotzooprom» QB» RMQK oblystyq aýmaqtyq ınspektsııalarynyń qyzmetkerleri atsalysty.
Eske sala ketsek, buǵan deıin Qostanaı oblysynyń aýmaǵynda tikushaq arqyly arqyly kıikter sanaǵy qalaı júrgizilip jatqanyn habarlaǵan bolatynbyz.
