Qazaqstanda kıik sanaǵy aıaqtaldy
NUR-SULTAN. QazAqparat – Qazaqstanda kıiktiń úsh popýlıatsııasyna jer ústinde monıtorıng jasaldy. Monıtorıng barysynda kezdesken barlyq kıik týraly málimetter, olardyń jasy, jynysy men júris-turysy týraly derekter tirkeldi, dep habarlaıdy QazAqparat Qazaqstan bıoalýantúrlilikti saqtaý qaýymdastyǵyna silteme jasap.
Sanaq Batys Qazaqstan, Aqtóbe, Qostanaı, Aqmola jáne Qaraǵandy oblystarynda júrgizildi. Kıikterdi jyl saıyn kóktemde áýeden sanaý bıyl karantınge baılanysty toqtatylǵandyqtan kúzgi monıtorıng júrgizildi.
2019 jyly Qazaqstandaǵy kıik sany 334 400 bolǵan edi.
Sanaqqa Bıoalýantúrlilikti saqtaý qaýymdastyǵy, QR BǴM Zoologııa ınstıtýty, «Ohotzooprom» qoryqshylary jáne oblystyq aımaqtyq ınspektsııa qyzmetkerleri qatysty.
