Qazaqstanda kıbershabýylǵa kóbinde saýda jasaıtyn saıttar ushyraıdy
«Saýda salasyndaǵy ǵalamtor-resýrstardyń buzylyp, onda fıshıng paraqshalardyń ornalasýy jıi kezdesedi. Óte tanymal bolǵandyqtan, qaýiptiń 60 paıyzy osylarǵa tıesili. Fıshıng resmı málimetterdi urlaýmen baılanysty. Máselen, bank kartasynyń, áleýmettik jeli qoldanýshysynyń derekterin, elektrondy poshta nemese ınternet-bankıng málimetterin osy tásilmen urlaıdy»,-deıdi Aqparattyq qaýipsizdik ortalyǵynyń ulttyq koordınatsııa dırektory Janat Jakýpov.
Onyń sózinshe, qaskúnemder fıshıngtiń kóp taralǵan túri - «farmıng» degenmen aınalysady. ıAǵnı, saıtqa kirgen qoldanýshyny alaıaqtyq paraqshaǵa qaraı baǵyttap otyrady. Sondaı-aq, ol Qazaqstanda ǵalamtor-resýrstar qarqyndy damyp jatqandyqtan, hakerlerdiń elge qyzyǵýshylyǵy arta túskenin aıtty.
Birinshi jarty jyldyqtyń ózinde ǵalamtor-resýrsta 138 fıshıng jaǵdaıy, 246 zııandy baǵdarlamalardyń taralý oqıǵasy, 8980 botnet, 915 buzý-shabýyldaý jaǵdaıy oryn alǵan.