Qazaqstanda kıberqylmystyń sany artýda - IIM
ASTANA. QazAqparat - Qazaqstandaǵy kıberqylmystardyń sany jyl sanap artyp keledi. Bul týraly QR Ishki Ister mınıstrligi "QazAqparat" halyqaralyq aqparattyq agenttiginiń joldaǵan saýalyna bergen jaýabynda habarlady.
"Bıylǵy jyldyń on aıynda aqparattyq tehnologııalardy qoldaný arqyly jasalǵan 322 qylmys (2012 jyly - 296, 2013 jyly - 557 is) anyqtaldy.
Sonyń ishinde negizgi bóligin avtorlyq jáne sabaqtas quqyqtardy buzýǵa qatysty qylmystar alady. Aǵymdaǵy jyly onyń úlesi 42% nemese 133 is deńgeıinde tirkeldi. Sonymen qatar alaıaqtyq - 52, urlyq - 36, kompıýterlik aqparattarǵa qol salý baǵytynda 32 qylmys anyqtalǵan.
Polıtsııanyń habarlaýynsha, qylmyskerlerden kóbinese jekemenshik kompanııalar men zańdy tulǵalar japa shegedi.
