Qazaqstanda keıingi bes jylda asa aýyr qylmystar edáýir azaıdy
TARAZ. KAZINFORM - Memleket bashysy Qasym-Jomart Toqaev Jambyl oblysy jurtshylyǵymen kezdesýi barysynda zań men tártip máselesin qozǵady.
Prezıdent sózinde Qazaqstannyń qaýipsiz el retinde qalyptasyp kele jatqanyn atap ótti.
- Qoǵamda «Zań men tártip» qaǵıdaty ornyǵyp jatyr. Eki kún buryn AQSh Prezıdenti Donald Tramppen telefon arqyly áńgimelestim, ol da zań men tártip saıasatyn júzege asyrýda, qylmysqa, tártipsizdikke jol bermeımiz dedi. Osyndaı saıasattyń nátıjesinde sońǵy bes jylda elimizde asa aýyr qylmystar edáýir azaıdy. Turmystyq zorlyq-zombylyq oqıǵalary boıynsha kórsetkishter de tómendedi, - dedi Qasym-Jomart Toqaev.
Aıta keteıik, Memleket basshysy Jambyl oblysynda jumys saparymen júr. Prezıdent onda birqatar ónerkásiptik jáne áleýmettik nysandardy aralap kórdi.