Qazaqstanda keıingi kúnderi vırýs juqtyrǵandar nelikten kóbeıip ketti – mınıstr jaýaby
«Bizde koronavırýs juqtyrý boıynsha ósim Almaty, Nur-Sultan jáne Shymkent qalalarynda baıqalady. Álbette bir táýlikte 140 adamǵa deıin tirkelý jaǵdaıy halyqtyń úreıin ushyryp otyr. Áıtse de epıdemııa sıpatynyń ózi osyndaı ekenin eskerý kerek. Al basqa memleketterde vırýs juqtyrǵandardyń bir kúnde myńdap tirkelip jatqanyn da kórip otyrmyz. Bári de epıdemııanyń satysyna baılanysty. Álbette adamdardyń kóptep tirkelýine mańyz berý kerek desek te, epıdemıologııalyq kózqaras turǵysynan qarar bolsaq, dúısenbide 1711 jaǵdaı bolsa, eshteńe istemegen jaǵdaıda osy adamdardyń árbiri úsh adamnan juqtyryp, bir ǵana kúnde juqtyrǵandardyń sany 5 myńnan asyp keter edi. 5 myń adam taǵy bir táýlik qaralmaı qalsa naýqastar sany 15 myńnan asyp túser edi», - dedi Eljan Birtanov Tengrınıýs Instagram paraqshasynyń tikeleı efırinde.
Mınıstrdiń aıtýyna qaraǵanda, aýrýlardyń ósim qarqyny epıdemııanyń shynaıy kórinisinen habar berip otyrady.
«Bizde qazir ósim qarqyny 8 paıyzdyq deńgeıde. Álbette bul kórsetkishke qarasaq, naýqastar azaıyp kele jatyr dep múlde aıta almaımyz. Bizdiń maqsat – 5 paıyzdan tómen, onyń artynsha 1 paıyzdan tómen kórsetkishke deıin azaıtý. Sol kezde ǵana epıdemııanyń shynymen báseńdegeni týraly aıta alamyz. ıAǵnı jańadan anyqtalǵan naýqastardyń sany jazylǵandardan az bolýy kerek. Mine, bizdiń mindet - osy», - dedi ol.