Qazaqstanda keıingi 10 jylda 1600 adamnyń aǵzasy aýystyryldy - Ajar Ǵınııat
Mınıstrdiń aıtýynsha, qazirgi tańda elimizde hırýrgııalyq kómekti 330-dan astam memlekettik jáne jeke medıtsınalyq uıymdar kórsetedi.
«Sońǵy jyldary qazaqstandyq hırýrgııa aıtarlyqtaı jetistikterge qol jetkizdi. Atap aıtsaq, hırýrgter álemdik standarttar deńgeıinde torakaldy-abdomınaldy aımaq aǵzalaryna operatsııanyń barlyq túrin, onyń ishinde eń az ınvazıvti hırýrgııanyń barlyq spektrin, baýyr, uıqy bezi rezektsııasyn tabysty jasap keledi. Qazaqstanda búgingi kúni transplantologııanyń kúrdeli baǵyty – adamnyń tiri kezindegi donorlyǵy damı bastady. Otandyq hırýrgter keıingi 10 jyl ishinde 1600-den astam tiri donordan aǵzalardy aýystyryp saldy, bul kóptegen adamnyń ómirin saqtap qalýǵa septigin tıgizdi», - dedi mınıstr.
Ol sondaı-aq, mınıstrlik tarapynan salalyq jáne óńirlik donorlyq baǵdarlamalardy ázirleý men engizý, donorlyq uıymdar jelisin ulǵaıtý, transplantatsııa úılestirýshileri men transplantolog dárigerlerdi daıarlaý, transplantologııa salasynda zertteýler júrgizý, ınnovatsııalyq tehnologııalardy ázirleý, olardy óńirlerge taratý, halyqtyń barlyq toptary arasynda aǵza donorlyǵyn damytý máseleleri boıynsha keń aýqymdy aqparattyq-túsindirý jumysyn júrgizý – Qazaqstan halqyn tıimdi transplantologııalyq kómekpen qamtamasyz etýge múmkindik beretinin atap ótti.
«Búgingi joǵary kásibı deńgeıdegi mamandardy biriktirgen Sezd otandyq jáne sheteldik áriptesterdiń nátıjeli tájirıbe almasýyna, transplantologııanyń, shuǵyl jáne josparly hırýrgııanyń eń ózekti máselelerin talqylaýǵa jáne onyń damý perspektıvalaryn aıqyndaýǵa yqpal etetinine senimdimin», - dedi Ajar Ǵınııat.
Sóz sońynda ol Qazaqstan hırýrgteriniń ІІІ seziniń qatysýshylary men qonaqtaryna ult densaýlyǵyn saqtaý jolynda nátıjeli jumys, ǵylymı jetistikter men bastamalar tiledi.
