Qazaqstanda keıbir taýarlardy satyp alýda ulttyq rejımnen shyǵarý usynyldy

ASTANA. KAZINFORM – Ónerkásip jáne qurylys mınıstrligi «Ulttyq rejımnen shyǵaryp tastaýdy belgileýdiń keıbir máseleleri týraly» Úkimet qaýlysynyń jobasyn qoǵamdyq talqylaýǵa shyǵardy. 

– Qazaqstan aýmaǵynda óndirilmeıtin taýarlardy qospaǵanda, mashına jasaý, hımııa, metallýrgııa, qurylys jáne jıhaz ónerkásibi ónimderin memlekettik satyp alý kezinde ulttyq rejımnen alyp qoıýdy belgileý kózdeledi, – delingen qujatta.

Qujat ishki naryqty qorǵaý, ulttyq ekonomıkany damytý jáne qazaqstandyq taýar óndirýshilerdi qoldaý maqsatynda ázirlengen.

Qoǵamdyq talqylaý 25 naýryzǵa deıin jalǵasady.

Aıta keteıik, Qazaqstan men Frantsııa arasyndaǵy taýar aınalymy 100 mln AQSh dollarynan asty.

Bir aıda Qazaqstan men Ózbekstan arasyndaǵy taýar aınalymy 400 mln dollardan asty.

Sonymen qatar Qazaqstan óńirleriniń Orynbor oblysymen taýar aınalymy 11,2%-ǵa ulǵaıǵan edi.

Úkimet óńirlerdegi áleýmettik mańyzy bar taýarlardyń baǵasyn talqylady.