Qazaqstanda keıbir jumys berýshiler zeınetaqy jarnalaryn tólemeı keledi - T. Dúısenova
«Jumys berýshilerdiń zeınetaqylyq tólemderi boıynsha olardyń beresheginiń ósimi baıqalýda. Memlekettik kirister komıtetiniń málimeti boıynsha, bereshek somasy 2,7 mlrd. teńgeni qurady nemese jyl basymen salystyrǵanda eki esege artty. Sonymen birge 12 myńǵa jýyq kásiporyn jumysshylardyń zeınetaqy aýdarymdarynyń kólemin tómendetti, 724 kásiporyn bul aýdarymdardy múldem iske asyryp jatqan joq», - dedi mınıstr.
Vedomstvo basshysy zeınetaqy jarnalarynyń tólenbeýi sebepterin anyqtaý jumystaryn júrgizý kerektigin jáne atalǵan aýdarymdar toqtatylǵan jumysshylardyń kontıngentin anyqtaý qajet ekenin jetkizdi.
Onyń sózine qaraǵanda, búginde respýblıka boıynsha 16 kásiporynda jalaqy boıynsha 685 jumysshynyń aldynda 217,5 mln. teńge kóleminde bereshegi (3 aıdan astam) bar.
Eńbekaqyny keshiktirý faktileri boıynsha jáne memlekettik eńbek ınspektorlary nusqaýlaryn oryndamaǵany úshin jumys berýshilerge 100 mln. teńgege jýyq 1075 aıyppul salyndy.