Qazaqstanda keıbir sot isterine robot sheshim shyǵarady
«Biz sot júıesine robot baǵdarlamasyn engizýdi bastap kettik. Osy baǵdarlama boıynsha sýdıanyń qaraýyn talap etpeıtin daýsyz ister iriktelip alynady. Statıstıka boıynsha, dál osyndaı 400 myńǵa jýyq bar. Ásirese, shartty túrde merziminen bosatý, sanktsııalar jáne el aýmaǵynan shyǵyp ketý isteri negizinen sýdıalardyń egjeı-tegjeıli qaraýyn talap etpeıdi. Muny avtomattandyrylǵan baǵdarlama kómegimen júzege asyrýǵa bolady. ıAǵnı, robot sot sheshimi jobasyn daıyndaıdy. Sýdıa tekserip, tek qolyn qoıady. Eger tehnıkalyq qateler ketken jaǵdaıda, sýdıanyń qaıta qarap shyǵý múmkindigi bar», - dedi spıker Ortalyq kommýnıkatsııalar qyzmetindegi baspasóz máslıhatynda.
Sondaı-aq, Joǵarǵy sot «Atameken» palatasymen birlesip, «Tsıfrlyq taldaý» jobasyn ázirlep jatyr.
«Azamattar óz daýlarynyń qalaı aıaqtalatynyn osy baǵdarlama kómegimen bile alady. Intellektýaldy izdeý júıesi men arnaıy kilt sózder arqyly respýblıkadaǵy uqsas daýlardyń qalaı qaralǵanyn, onda qandaı sheshimder qabyldanǵanyn bile alady. Osylaısha, talap aryzdardyń sapasy artady jáne sotqa aryzdy bergen durys pa, bergen jaǵdaıda qansha paıyzǵa jeńip shyǵý yqtımaldyǵy bar – osynyń bárin «Tsıfrlyq taldaý» qyzmeti aldyn ala aıtyp beredi», - dedi A. Sádýaqasov.
Buǵan deıin de Aıdos Sádýaqasov sot júıesindegi birqatar jańashyldyqtardy baıandaǵan edi. «Aýmaqaralyq sottylyq» jobasynda sot isi bir óńir aıasynda emes, tutas respýblıka sheńberinde qarastyrylady. Kez kelgen isti sýdıalarǵa tóraǵa emes, IT-júıe kezdeısoq tásilmen bóledi.
Sondaı-aq, Qazaqstanda sýdıalardyń jeke qasıeti men kásibı deńgeıi qaralyp, 300-den astam vakansııa bosaǵan.