Qazaqstanda keıbir poıyzdardyń júrý jıiligi artty
NUR-SULTAN. QazAqparat - «Jolaýshylar tasymaly» AQ jolaýshylar poıyzdarynyń júrý ýaqytynyń jıiligi artqanyn habarlady.
Kompanııa taratqan málimetterge qaraǵanda, №4/3 «Nur-Sultan - Nurly jol - Almaty-2» 2020 jyldyń 1 qarashasynan bastap Nur-Sultan - Nurly joldan, 2020 jyldyń 2 qarashasynan bastap Almatydan kún saıyn jóneltiledi;
№68/67 poıyzy «Nur – Sultan - Nurly jol – Óskemen-1» 2020 jyldyń 1 qarashasynan bastap Nur-Sultannan, 2020 jyldyń 2 qarashasynan bastap Óskemennen kún saıyn jóneltiledi.
Jolaýshylar poıyzdarynyń qozǵalys kestesi boıynsha barlyq aqparatty «105» nómiri arqyly alýǵa bolady.
Ulttyq tasymaldaýshy jolaýshylardan jol júrý qujattaryn onlaın, sonyń ishinde resmı BILET.RAILWAYS.KZ saıty arqyly resimdeýlerin, jolaýshylardan sanıtarlyq-karantındik talaptardy, áleýmettik qashyqtyqty (keminde 1 metr), vokzal aýmaǵynda jáne poıyz ishinde betperde rejımin qatań saqtaýlaryn suraıdy.
«Sondaı-aq, saparǵa shyǵar kúni bıletter bolmaǵan jaǵdaıda, «Kútý paraǵy» atty tegin qyzmetti paıdalanýǵa bolatynyn eske salamyz»,-delingen «Jolaýshylar tasymaly» AQ baspasóz qyzmetiniń aqparatynda.
