Qazaqstanda keńjolaqty Internetke qol jetimdilik ulǵaıýda
ASTANA. 20 tamyz. QazAqparat - Qazaqstanda 2010-2014 jyldarǵa arnalǵan aqparattyq jáne kommýnıkatsııalyq damý baǵdarlamasynyń aıasynda Internetke CDMA-450/EVDO, FTTN jáne Wi-Fi tehnologııalary boıynsha keńjolaqty qoljetimdilikti qamtamasyz etý jónindegi sharalar júzege asyrylýda.
QR Kólik jáne kommýnıkatsııa mınıstrligi oblystardyń ákimdikterimen jáne baılanys operatorlarymen birlesip qoǵamdyq oryndarda Wi-Fi tehnologııasy boıynsha Internet jelisine qoljetimdilikti damytý jónindegi jumystardy júrgizýde.
KKM habarlaǵandaı, 2012 jyldyń І toqsanynda 406 oryn Wi-Fi-men qamtamasyz etilgen. Olardaǵy qoljetimdilik núktesiniń sany 1894 (2011 jyly - 1816) quraıdy, olardyń ishinde aqysyz jumys isteıtini - 1137 (2011 jyly - 1067) núkte.
Sondaı-aq, CDMA 450/EVDO tehnologııasy boıynsha ornalasqan ornyna, jeliniń áreket etý shegine, sondaı-aq qozǵalys jaǵdaıyna qaramastan joǵary jyldamdyqtaǵy málimetter berý paketine qoljetimdilik ashylýda.
Qazirgi kezde EVDO tehnologııasyn qoldanylatyn KJQ qyzmetin Qostanaı, Jambyl, Ońtústik Qazaqstan, Pavlodar, Almaty, Aqtóbe oblystary paıdalana alady. 2012 jyldyń sońyna deıin Qaraǵandy, Batys Qazaqstan, Qyzylorda, Atyraý, Mańǵystaý, Shyǵys Qazaqstan, Soltústik Qazaqstan, Aqmola oblystary ınternetke qol jetkize alady. Jobany 2015 jyly aıaqtaý kózdelip otyr.
Budan basqa, respýblıkadaǵy ınternet jelisiniń jyldamdyǵy pen sapasyn jaqsartý úshin 2010 jyldan bastap FTTH passıvti otpıkalyq tehnologııasyn qoldanatyn jeliler salynýda. Atalǵan tehnologııa qazirdiń ózinde aqparat berý jyldamdyǵy 100 Mbıt/s bolatyn 50 myńdaı FTTH portyn qosýǵa múmkindik beredi.
Atalǵan jobany júzege asyrý nátıjesinde Astana, Almaty, Semeı, Jańaózen qalalarynyń 146 nysandary men oblys ortalyqtarynyń 3718 kóppáterli úıleri men 2775 kottedjderi ınternetpen qamtyǵan. Barlyq qalalar men oblys ortalyqtarynda FTTH tehnologııasy boıynsha ınternetti damytýdy 2015 jyldyń sońyna deıin aıaqtaý josparlanýda.
2008-2011 jyldar aralyǵynda jelini paıdalanýshylar sany ár 100 turǵynǵa shaqqanda 15,1 den 50,6 deıin artqan. 2012 jyldyń qańtarynan bastap «Qazaqtelekom» AQ baılanys operatorlary úshin Internet jelisine qosylýdyń baǵasyn eń tómengi shekke deıin: trafıkti eseptegende - 35%, trafıkti eseptemegende - 27% tómendetken.
Keńjolaqty qoljetimdilik málimetterdi berýdiń joǵary jyldamdyǵyn jáne retteýshi qosqyshtardy ornatpaı-aq Internetke turaqty qosylýdy qamtamasyz etedi. Qazaqstanda KJQ engizý bultty tehnologııalar, dıstantsıondyq elektrondyq úrdister, esepteýlerdi vırtýaldandyrý jáne taǵy basqa kóptegen ınnovatsııalyq qyzmetterdi damytýǵa múmkindik beredi.
