Qazaqstanda keminde eki etnostyń ókili bolsa, Assambleıa jumysyn toqtatpaıdy - Aıdos Sarym

ASTANA. QazAqparat – Ózge ult ókilderin bir ıdeıaǵa toptastyrý – Qazaqstan halqy Assambleıasynyń mindeti. Mundaı pikirdi Májilis depýtaty Aıdos Sarym bildirdi, dep habarlaıdy QazAqparat tilshisi.

«Qazaqstanda tym bolmaǵanda eki etnostyń ókili bolsa, onda Assambleıa jumysyn toqtatpaıdy. Biraq, eń basty mindeti – memleketti nyǵaıtýǵa, ultty toptastyrýǵa, biriktirýge jáne qazaq tilin úıretýge, qazaq mádenıetin túsindirýge jumys isteý. Qudaı saqtasyn endi, eki adamnyń, eki toptyń arasynda kıkiljiń týyndasa, onda mundaı jaǵdaıda Assambleıa taraptardy birlikke shaqyratyn, tatýlastyratyn uıym bolyp qalýy tıis», - dedi Aıdos Sarym.

Onyń atap ótýinshe, ózge ult ókilderin bir ıdeıaǵa toptastyrý, úılestirý Assambleıanyń negizgi mindeti bolyp qala beredi.

Esterińizge sala keteıik, búgin elordada Memleket basshysy Qasym-Jomart Toqaevtyń tóraǵalyǵymen Qazaqstan halqy Assambleıasynyń HHHІІ sessııasy ótti. «Ádiletti Qazaqstan: birlik, turaqtylyq, damý» taqyrybynda ótken is-shara barysynda Prezıdent etnosaralyq qatynas, tatýlyq, birlik, turaqtlyq, táýelsizdik, qazaq tili máselelerine egjeı-tegjeıli toqtalyp, Assambleıanyń jańa syılyqtary men ordenin bekitýdi usyndy.