Qazaqstanda kelisimshart boıynsha qyzmetke qabyldaý jasy tómendetildi - Qorǵanys mınıstrligi
Memleket basshysy «Qazaqstan Respýblıkasynyń Qarýly Kúshterinde, basqa da áskerler men áskerı quralymdarynda áskerı qyzmet ótkerý erejelerin bekitý týraly» Qazaqstan Respýblıkasy Prezıdentiniń 2006 jylǵy 25 mamyrdaǵy № 124 Jarlyǵyna ózgerister men tolyqtyrýlar engizý týraly» Jarlyqqa qol qoıdy. Jalpy, erejelerge aıtarlyqtaı kóp ózgerister engizilgen joq, degenmen, áskerı qyzmetti ótkerý sharttaryn jaqsartýǵa, áskerı qyzmetshilerdiń áleýmettik kepildikterin qamtamasyz etýge jáne áskerı qyzmetke alý protsedýralaryn jeńildetýge baǵyttalǵan ózgerister engizildi», - deıdi ádilet polkovnıgi Qaırat Kópbaev.
«Buryn biz áskerı qyzmetke 42 jasqa deıin shaqyratyn edik, al qazir áskerı qyzmetke endi alynyp jatqandar úshin 32 jasqa deıin qysqarttyq. Buryn kelisimshart boıynsha áskerı qyzmetke barýdy qalaıtyndardyń jasy 19 jáne 40-42 jas aralyǵynda bolýy tıis edi, al qazir kýrsanttar men kadetterdi qospaǵanda, 18 jastan kishi bolmaýy jáne 30 jastan úlken bolmaýy tıis», - dedi ol.
Sondaı-aq, ádilet polkovnıgi búgingi tańda Qazaqstan armııasynyń quramynda tıisti biliktilik pen tájirıbege ıe kásibı ofıtserler korpýsynyń jetkilikti ekenin de tilge tıek etti. «Kadrlar tapshylyǵy joq. Qazir Qazaqstan armııasyn jasartý protsesi júrip jatyr», - dedi ol.
