Qazaqstanda «Kelimsek-2021» operatsııasy bastaldy

NUR-SULTAN. QazAqparat – El aýmaǵynda «Kelimsek-2021» operatsııasynyń birinshi kezeńi bastaldy. Bul týraly QR ІІM baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«5 shildeden el aýmaǵynda ishki ister organdary shekara qyzmetterimen birlesip, «Kelimsek-2021» operatsııasynyń birinshi kezeńin bastady», - dedi dedi ol ІІM baspasóz qyzmeti alańynda ótken brıfıng barysynda.

Osy rette ІІM ókili operatsııanyń maqsatyna da jan-jaqty toqtalyp ótti.

«Onyń maqsaty - sheteldikterdiń zańsyz kóshi-qon arnasyn jáne zańsyz kóshi-qondy uıymdastyrýshylardyń qyzmetin anyqtaý jáne jolyn kesý, sheteldikterdiń kelgen eline óz erkimen qaıtarylýyna, onyń ishinde readmıssııa tártibimen, izdeýde júrgen adamdardy anyqtaýǵa járdem kórsetý», - dedi Shuǵyla Turlybek.