Qazaqstanda kelesi jyldan bastap 15 jyl qoldanysta bolatyn jańartylatyn energııa kózderiniń shekti tarıfi bekitilmek

Bul týraly búgin elordada ótip jatqan Qazaqstannyń jańartylatyn energetıkasy atty ınvestıtsııalyq forýmda QR Qorshaǵan ortany qorǵaý jáne sý resýrstary mınıstri Nurlan Qapparov málim etti.

Mınıstr óz sózinde jańartylatyn energeııa kózderin damytý sebepterin, aýqymyn, josparyn, sonymen qatar memlekettik qoldaý sharalaryn aıta kele: «Qazir biz jańartylatyn energııa kózderi salasynyń erejelerin ázirlep jatyrmyz. Búgin men 2014 jyldan bastap 15 jyl qoldanysta bolatyn tartymdy shekti tarıfterdi bekitýdi josparlap otyrǵandyǵymyzdy aıta alamyn», - dedi.

Onyń atap ótýinshe, mınıstrlik jel stansalarynda óndiriletin 1 kVt/saǵat elektr qýatyna tarıfti 19, teńge, kún stansalary úshin 29 teńge, shaǵyn sý stansalary úshin 14 teńge, bıogaz qurylǵylary úshin 27 teńge deńgeıinde usynyp otyr.